Genesis 45:19 - Mawu a Mulluku

¹⁹ Waalamulettho wi ekuse magareta a wuno o Iguputo wi awariwa yawellevo ni aniiwa nave attiitthiiwa ewe wuno.

Genesis 45:19 ပူးပေါင်းရင်းမြစ်များ

Genesis 46:5

Vano Yakobo aatimulla olendwaaye ovenyera o Beeresheba. Anamwani a Israelaalle yahaawelliha attiitthiiwa, Yakobo ni atthiyana ni anamwani, va magareta ayo Farao aarumihalleeye.

Genesis 45:27

Koma emulleelle ddittheddenennddo Yosefe aalleelleeye nave oonille magareta ayo Yosefe arumihalleeye wi olliye awellevo vooyaani o Iguputo, murima wa Yakobo wahaamba ohokollweella m'mapuroni.

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Yesaya 49:1

Nyu athu a o ellapo dda mukhwipi mwa enyanja, iwani, nyu athu awoorekama, apellani maaru. Apwiya yaakiithana kihinayariwe, yaakiromolla nnddina kiri m'mirimani mwa amoowaaka.

Genesis 45:20

Ehikhupanye wi eneerohiya eyuuma wenko ekaamba echigawo ya ethaya yaphaama ya o Iguputo wuno enaakhalle yayiwa.”

Genesis 45:21

Anamwani a Yakobo yaheera ddennddo. Yosefe ahaavaha magareta moollikana ni mmo Farao alamulelleeye nave ahaavaha pooso a voolendoni.

Numeri 7:3

yaakusa ddoovelleella ddiwa ewaana vamiitthoni va Apwiya. Yaavelleella magareta ookhuneelliwa dditthanu ni emodda navettho eng'ombe khumi ni piilli, oohoollella eelli nigareta nimodda nave arive oohoollella eng'ombe emodda vamiitthoni va musasa wamutthukumano.