Genesis 45:15 - Mawu a Mulluku

¹⁵ Vatulli viwa ahaakhupaarella asinne attheenaalle inllaka. Vano asinnaalle yahaamba waarera ni Yosefe.

Genesis 45:15 ပူးပေါင်းရင်းမြစ်များ

Luka 15:20

Vano aatimulla ahokollweella wa attiitthinnya. “Aweeye voorekama ni owaniwanko attiitthinnyaayo yaari emonne khalle. Vano yammorella ethakaraka wunchichi emuthamakella nave yaamuvaha mooni voomukhupaarellani.

Mitteko 20:37

Athu attheene yahinlla yamukhupaarelliiwa nngu ellaanyanaka.

Masalimo 77:4

Munnaphara miitthwaaka wi kihikone, kinnahoowa wunchichi wawi kinnalephela ollota.

2 Samuele 14:33

Sika Yowabu aaya wa mwene akambirana ni mwenooyo ddennddo. Vano mwenooyo aamwiithaniha Abishalomu. Nave olliye aawa wa mwene akokhora vamiitthoni vaye. Nave mwenooyo aamwaakhella phaama voomukhupaarellani.

1 Samuele 20:41

Vano mullupa muttekoolle arowille, Davide aakhumellella okhwipi wa malluku yuukelliwaalle avelleella olemu voopopheyani ekhovaaye vatthi oraru. Yaakhupaarellana attheene yaamba winlla koma Davide ahinlla moollipiha.

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

Rute 1:14

Enthawi yeeyo yahaambattho winlla moowelliha mawu. Olipa ahaakhupaarella akogwawaaye nave ahaallaanya, ahokollweella owaniwa. Koma Rute aamuwanddeellella Naomooyo.

Rute 1:9

Apwiya yuukavihereni wi muphwanye wookhallawo nave arive muthu anyuwaano atthelliwe.” Vano ahaakhupaarella aallaanya. Koma alliwaayo yahaamba winlla moowelliha mawu.

Eksodo 4:27

Apwiya yaamulleella Aroni wi, “Khawe ochipululuni wakumane ni Mose.” Sika Aroni aaya akumana ni Mose omwaangoni wa Mulluku nave aamukhupaarella.

Genesis 45:2

Ahinlla mookhuwa ophiyera Aiguputo yahiiwa nave epilli ya winllanngu wahiiweyattho o enyumba ya Farao.

Genesis 33:4

Koma Esau aathamaka aya akumanana, amukhupaarella nave aamullochella mwa echikondi nave eellaayo vamodda yaamoriha miitthori.

Genesis 29:13

Labani iiwalleeye dda Yakobo, mwaana a murokoriye, aathamaka akumanana. Aamukhupaarella mwa echikondi nave aamukusa oyaana o enyumba waye. Nave Yakobo aamutthopoollella Labani ddittheddene nnddo ddeereyille.

Genesis 29:11

Vano Yakobo aamukhupaarella Rakelooyo nave ahinlla mookhuwa.

Genesis 42:24

Vano Yosefe aaya otte nave ahinlla miitthori. Murima omukhurumuwalle aahokollweella muwari mulle nave aambattho ollota. Aamutthoollavo Simeoni nave aamumaka vaavo alliwaayo yoonaka ni miitthwiiwa.

Genesis 45:14

Enre ddiiddo aamukhupaarella Benjamini, mung'onong'onwaayoolle, ahaambattho winlla. Nayeenettho Benjamini ahaamba winlla nngu amukhupaarelle munikohini.

Genesis 45:16

Epilleella yiiweyille o enyumba ya Farao wi asinne a Yosefe aawa, Farao ni allupa muttekwaaye attheene yaahakallalla wunchichi.

Genesis 46:29

Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama.