Genesis 44:9 - Mawu a Mulluku

⁹ Vano apwiya oyo mwa hiyaano anaaphwanyeyena kapooyo, iiphiwe nave attheenehi ninaakhalle akaporwaanyu.”

Genesis 44:9 ပူးပေါင်းရင်းမြစ်များ

Genesis 31:32

Koma mwaphwanya wi mmodda a hiyaano vaava ari ni milluku ddanyunnddo, iiphiwe yooyo. Athu niriihunaalla ekhalle mboni nyuwaano vawaashani ddeko ddanyu mukatunduni muttheenoolla. Sika mwaphwanya ddeko ddanyunnddo muddikuse.” Vawi Yakobo khaadduwella wi Rakele sika iiyalle millukunnddo.

Mitteko 25:11

Kaarimi kiri muthu aweera ddoonanara nave kinnaphwanella wiiphiwa, nginakhoota wiiphiwanko. Koma enakivaanyihereewanndda ddaari ddawoottha, khaavo muthu anaphwanella okivelleella wa Ayuda. Kinapaalla wi keeruziwe ni Kaisara.”

Genesis 44:16

Sika Yuda aallota wi, “Apwiya, ethiyo hiyaano ttuullota tini wa nyuwaano? Ninaaddaakihere weekhiihu mwawiidde? Apaalle ninaaddeellihe weekhiihu mwawiidde? Mulluku ohuupullulla yoolakwaahu. Vano attheenehi niri akaporwaanyu ohiri mmoddave yoolla aphwanyeyille ni kapoolla munthumbani mwaye.”

Genesis 43:18

Alliwaayo yahoova wunchichi vawoonani wi anaakusella o enyumba ya Yosefe. Nave yaganiza wi, “Ananivollochiha mmu ekaamba ya makobiri alle yahokolloselliwe m'mathumbani mwahu va enthawi yawaambeelle. Anaasha voonihellellavo ekhoto moorurumusa wi anitthattuse akaporwaaye nave wi anaakhe abulwaalla.”

Genesis 44:10

Sika kaporoolle aallota wi, “Ddikhallelle mwemmo mullotellaanyu. Komathi mmodda variyari vanyumva aphwanyeya ni kapooyo anaakhalle kaporwaaka, amodda attheenenyu muneerottaphulliwa.”