Genesis 44:18 - Mawu a Mulluku

¹⁸ Sika Yuda ahaatamella wa Yosefe nave allota wi, “Pepaani apwiya, kaakhullelleni mi oorumeyellaanyu wi killote ni nyuwaano. Muhikishelle murima apwiya vawi nyuwaano muri wonanko Farao.

Genesis 44:18 ပူးပေါင်းရင်းမြစ်များ

Eksodo 32:22

Aroni ahaakhulla wi, “Pepaani apwiya muhikishelle murima. Munnadduwellattho wi athu yaalla tti ookopeya ni machimo.

Genesis 41:40

Weyaano sika onaalamulelleke enyumbaaka yoomwene nave athwaaka attheene eneerekowiiwellella. Miyaano kinaakhalle muullupalli wa weyaano voomwenenive vaava.”

Genesis 18:30

Abrahamu aallotattho wi, “Pepaani, kinimuuvekani, muhinakishella murima Apwiya nave kineerollotattho. Ethiyo nanga mwaaphwanyawo athu oolungama 30?” Apwiya yaamwaakhulla wi, “Kaaphwanyamo athu 30, ngoononga.”

Genesis 41:44

Farao aamulleella Yosefe wi, “Naari kiri mwene, weyaano waahaakhullella, khaavo naari muthu mmodda oyo anaawore weera erive ello naari weeta wene mu ellapo ettheeneella ya Iguputo.”

Genesis 18:32

Voomallihella, Abrahamu aallota wi, “Pepaani, muhinakishella murima Apwiya koma killote omoddave. Ethiyo nanga mwaaphwanya oohichimwa khumive?” Nave Apwiya yaallota wi, “Kaaphwanyamo oolungama khumi, ngoononga.”

Mitteko 2:29

“Aisraele akhwaaka, kinaphwanella wi kuulleelleni moosimikizella dda nikhollo nahu Davide. Aakhwa avitthiwa mu mahame nave mahamaaye aakhallavo ophiyera ollello.

Yohane 5:22

Attiitthaaka khenamweeruza arive muthu koma aakivaha miyaano olamulello ottheene waweeruza,

Daniele 5:19

Ekaamba ya masiva yavahiwiiwa, athu a ellapo ddittheddene, mitundu ddittheddene ni ellotello ddoohiyanahiyana yaanatthukumella vamiitthoni viwa ni owoova. Yapaalla omwiipha muthu yaanamwiipha yapaalla omuhiya ni okumi yaanamuhiya. Yapaalla omuwelliha muthu yaanamuwelliha nave yapaalla omukitthiha yaanamukitthiha.

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Masalimo 79:5

Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?

Yobu 33:31

Yobu vano apella maaru ddoollota ddaka, weere ellapo tuu wi miyaano killote.

Estere 1:12

Koma mwaaramwene Vasiti aakhoota owa naari mwene alamulalle vawaarumihani allupa muttekwaayaalle. Vano mwene aasha murima wunchichi ni ddenndda nave owallaaye wavoreyella muwariwari.

2 Samuele 14:12

Vano mutthiyanoolle aallota wi, “Mukaakhullelle mi mullupa muttekwaanyu aamutthiyana killote mawu mamodda wa nyuwaano apwiyaaka amwene.” Mwenoolle aallota wi, “Llotani moowe.”

Genesis 37:7

Attheenehi naamaka mitolo ddahu dda tirigu m'matani. Nimakaka ddiiddo, mutolwaaka wahiimella. Vano mitolo ddanyu ddahaapheella mutolwaaka ddikokhorille.”

Genesis 37:8

Nave asinne yaamukoha wi, “Ethiyo onaganiza wi weyaano ttuukhalla mwene nave ttuunilamulella hiyaano?” Sika vano yaamwiita wunchichi okhwaranya khalle ekaamba ya ddoolloha ni ddoollota ddayennddo.

Genesis 44:17

Koma Yosefe aallota wi, “Iyaayi! Miyaano ngiwora weera ddennddo. Yooyove aphwanyeyille ni kapu sika anaakhalle kaporwaaka. Amoddanyu hokollweellani wa attiitthiinyu mwamurendelle.”

Genesis 37:6

Olliye ahaalleella wi, “Iwani nnddo killohilleemi.