Genesis 43:8 - Mawu a Mulluku

⁸ Nave Yuda aamulleella Israele attiitthinnya wi, “Musomboolla mumuhiye m'mattani mwaka nave nikhozeke wi nitimulle. Mwawi ddiiddo attheenehi, nyuwaano, aniihu ni hiyaano khanikhwa ni ettalla.

Genesis 43:8 ပူးပေါင်းရင်းမြစ်များ

Genesis 42:2

Kohiiwa wi o Iguputo wookhalla tirigu. Khaweni wenko, mwanikullellewo hiyaano wi nivulluwe nave nihikhwe ni ettalla.”

Deuteronomo 33:6

Mose aallota dda nlloko na Rubeni wi, “Rubeni ahithiimihiwe, akhallevove naari athwaaye eri ooyeva.”

Masalimo 118:17

Ngikhwa, kineerokhalla ni okumi, kineerollalleya mitteko dda Apwiya.

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

2 Mamwene 7:13

Koma mmodda mwa enduna ddaye aallota wi, “Athu a m'muzindanimmu naanweene vaava eneerokhwattho wonanko Aisraele attheene ayo ekhwille khalle. Sika hankoni naatthoolle amodda wi ekuse akavalo atthanu oohalla, naarume wi yoone.”

2 Mamwene 7:4

Navollowa mu muzindammu nineerokhwa ni ettalla nakhallattho vaava, nineerokhwave. Vano hankoni niye o misasa dda Asiriya. Yaahiniipha, ddaphaamave koma yaniipha, kheviri ello.”

Numeri 14:31

Aniinyu ayo mweereenyu eneerophariwa okaporo, kineerowaavollochiha mwiillaponimmo nave sika enaayidduwelle ellapo eyo munayivevulleenyu.

Eksodo 20:12

“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.

Genesis 50:21

Vano nyuwaano muhikhupanye. Kineerewuuweherani phaama ni aniinyu.” Sika ahaasimikizella ni mawu ookhurumusa ni oollipiha murima.

Genesis 50:8

Nave yaathaananattho ni attheene a o nibanja naye, asinne ni attheene a nibanja na attiitthinnya. O Gosheni wulle wahallille anamwani ni eziweto ddiwa.

Genesis 45:19

Waalamulettho wi ekuse magareta a wuno o Iguputo wi awariwa yawellevo ni aniiwa nave attiitthiiwa ewe wuno.

Genesis 44:26

Koma hiyaano nahaalleella attiitthiihwaayo wi, ‘Khaniwora oyaawo vawi muthoolle khanaakhullella ophiyera vamiitthoni vaye vaavove mung'onong'onwaahu athaanane ni hiyaano.’

Genesis 42:38

Koma Yakobo aallota wi, “Mwanakoolla khathaanana ni nyuwaano iyaayi, valle mwanamunne aakhwa nave ahanlle yeekha. Apaalle ttuukumana ni otulli nave miyaano kuulluvallelleemimmu ethakaraka sika ddinaakiiphe.”

Genesis 44:20

Nave hiyaano naawaakhullani wi, ‘Nookhallana attiitthiihu awuulluvalla ni mung'onong'onwaahu oyo ayariwe attiitthiihwaayo yuulluvanlle khalle. Muullupallaaye a musombwe yooyo aakhwa khalle. Sika mu erukullu mwa amennya, ookumi tti yoollave nave attiitthinnya ennamukonda wunchichi.’