Genesis 43:34 - Mawu a Mulluku

³⁴ Yoocheeyo yakawiwa ovenyera va tebulo ya Yosefe koma yoocha yoovelleelliwa wa Benjamini yaari yawaata wonanko ya athu atthanu. Sika attheenaayo yaacha ni owirya ni Yosefe ophiyera yaavona nave yaahakallalla nimodda ni olliye.

Genesis 43:34 ပူးပေါင်းရင်းမြစ်များ

Genesis 45:22

Aamuvahattho arive muthu ddoowara ddanaanweene koma Benjamini aamwinnya makobiri a siliva 300 ni ddoowara dditthanu dda ehakallallo.

2 Samuele 11:8

Vano Davide aamulleella Uriya wi, “Khawe owaninyu wiithuuwe.” Uriya aakhuma o enyumba ya mwene nave mwenooyo aarumiha emphaso wa Uriya.

1 Samuele 1:5

Aanamuvaha Hana enama yinchichi omukhwaranya arive muthu vawi aanamukonda. Naari Apwiya yamweerihalle wi ahiyareke.

Yohane 2:10

amulleella wi, “Arive muthu anaamba omukawa vinyo ooddiva wunchichi nave athu awiithaniwa yamuwirya munchichi, sika anamukawa vinyo ooddiva vang'ono. Koma weyaano woomusunga vinyo ooddiva wunchichi ophiyera vano!”

Mateyu 11:19

Mi, Mwaana a Muthu, kiwiille kaacha ni omuwirya vinyo nave athu yaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’ Komave ezeru dda Mulluku ddinooneya wi tti ddawoona oweella m'mittekoni ddiwa.”

Habakuku 1:6

Kineerewaawelliha odindo Ababiloni, mutundu wawoopiha ni wamasiva, eneerophiya virive veko va ellapo yavatthi wi yaakhe mapuro aaneena.

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Oollalleya 10:19

Machellello ennamuhakallalliha muthu nave vinyo tti oohakallalliha okumi koma ddittheddenennddo ddinapaalla makobiri.

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Miyambo 31:6

Omuvaheke yoowirya yoowalli muthu oyo ari vakhuviru okhwa nave vinyo wa oyo ari mu ddookatamiha ddawoopiha.

Genesis 35:24

Anamwani a Rakele yaari Yosefe ni Benjamini.