Genesis 43:32 - Mawu a Mulluku

³² Yosefe achella va yeekha nave asinnaayo yachella vaweekhiiwattho. Aiguputo aariiyena nimodda mpammo ni alliwa yachella va weekhiiwa ekaamba yawi alliwa yaananariwa ochella nimodda ni Aheberi

Genesis 43:32 ပူးပေါင်းရင်းမြစ်များ

Eksodo 8:26

Koma Mose ahaakhulla wi, “Kheddikhalla phaama weera ddennddo kaambiiwa mikutho nnddo ninaavelleelleehu wa Apwiya Mullukwaahu, ddinnaananara Aiguputo. Ethiyo alliwaayo khenivokhaka malluku ophiyera oniipha naavelleellaka mikutho nnddo ddinaananara m'mwiitthoni mwiwa?

Genesis 46:34

Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”

Genesis 43:16

Yosefe amoonille Benjamini, aamulamula kaporwaaye oowehera ddittheddene dda mpa mwaye wi, “Athu alla waavollochihe mpammu. Wiiphe enama nave oyaapeye phaama kaambiiwa athu yaalla enaache ni miyaano otthaana vano.”

Genesis 31:54

Vano Yakobo aavelleella mukutho vamwaangonimvo nave awiithana athwaaye wi eche ddoocha. Emallihalle ochanko, yaakona vamwaangonimvo.