Genesis 43:30 - Mawu a Mulluku

³⁰ Allotille ddennddo Yosefe aavenyavo mwawaakuva ekaamba yawi murimaaye waaddalla ni echifundo va mung'onong'onwaayoolle. Ahallille vang'ono winlla, sika aavollowa ochipindani waye inllellaka wenko.

Genesis 43:30 ပူးပေါင်းရင်းမြစ်များ

Genesis 42:24

Vano Yosefe aaya otte nave ahinlla miitthori. Murima omukhurumuwalle aahokollweella muwari mulle nave aambattho ollota. Aamutthoollavo Simeoni nave aamumaka vaavo alliwaayo yoonaka ni miitthwiiwa.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Afilipi 2:1

Mu eyaattano ni Khrisitu munnallipihiwa murima nave echikondaaye ennavenyiha okhupanya wanyu. Mohaattanihiwa ni Munepa Waweella nave mooreera murima munnamorellana ethakaraka mmodda ni mukhwaaye.

Afilipi 1:8

Mulluku sika ari mbonaaka wi kinallota ddawoona kaallotaka wi munkhellaaka va nyuwaano tti woovenyera mu echikondi ya Khrisitu Yesu.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

1 Mamwene 3:26

Nave mutthiyana oyo aari mwaneena a mwaana mukumoolle aamumorella ethakaraka mwanayoolle. Sika aamulleella mwenooyo wi, “Apwiya, muhimwiiphe mwaanooyo koma mumwinnye mukhwaakoolla.” Koma mutthiyana mmoddoolle aallota wi, “Mwaanoolla ahikhalle aaka apaalle aawo, aphaddiwe variyari.”

Genesis 45:2

Ahinlla mookhuwa ophiyera Aiguputo yahiiwa nave epilli ya winllanngu wahiiweyattho o enyumba ya Farao.

1 Yohane 3:17

Athu eeyuuma yamoona mwanamunniwa apaalle murokoriwa oohoowa nave emummella murima, kheworattho ollota wi ennamukonda Mulluku.

2 Timoteo 1:4

Kaawuupuwellaka miitthori ddawo, kinnapaallesesa owoona weyaano wi kihakallalle wunchichi.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Mitteko 20:37

Athu attheene yahinlla yamukhupaarelliiwa nngu ellaanyanaka.

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

Mitteko 20:19

Kahaarumeyella Apwiya mowiiyeviha nave naari omora miitthori enthawi ya ddookatamiha ayo yawiille ekaamba ya Ayuda amodda ayo yiiwanana wi ekiiphe.

Genesis 46:29

Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama.