Genesis 43:23 - Mawu a Mulluku

²³ Kaporooyo ahaakhulla wi, “Muhitathille murima nave muhoove iyaayi. Mullukwaanyu, Mulluku a attiitthiinyu, sika uuhiyereni makobiri m'mathumbani mwanyummo. Makobiraanyu awaambaalle kahaakhella.” Enre ddiiddo ahaakhumihella Simeonoolle.

Genesis 43:23 ပူးပေါင်းရင်းမြစ်များ

Genesis 42:24

Vano Yosefe aaya otte nave ahinlla miitthori. Murima omukhurumuwalle aahokollweella muwari mulle nave aambattho ollota. Aamutthoollavo Simeoni nave aamumaka vaavo alliwaayo yoonaka ni miitthwiiwa.

Yohane 20:26

Nave viviralle mallapo matthanu ni mararu, oohudderaalle yaarittho mpa mulle nave Tomasi aari vamodda ni yaayo. Machiwi eri oowallawalleene Yesu aawa iimella variyari viwa allota wi, “Murendelle okhalle ni nyuwaano.”

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Yohane 20:19

Misikuwa a nllapo nenno, Nllapo Namulungu, oohudderaalle yaatthukumana vamodda. Yaawalla machiwi kaambiiwa yawoova Ayuda. Vano Yesu aawa iimella variyari viwa allota wi, “Murendelle okhalle ni nyuwaano.”

Luka 24:36

Eellaayo yallootiiwa dda nnddo ddeereye, moorurumusa Yesu yeekha ahiimella variyari viwa allota wi, “Murendelle okhalle ni nyuwaano.”

Luka 10:5

Mwavollowa mpa, vawaamba mullote wi, ‘Murendelle okhalle mpammu.’

Genesis 42:28

Nave aawiithana mookhuwa asinne wi, “Ha, ngoonani ookihokollosella makobiraaka. Khe alla eri mun'thumbanaalla!” Attheenaayo yaatthomowamo murima. Yaatthukumella ni woova wunchichi nave yaallota wi, “Mulluku aneerenlleeyeella tti tini?”

Ezara 4:17

Vano mwenooyo ahaakhulla voomurumihani kalata wi, “Wa Rehumu enduna, Shimishai namalembella ni akhwiiwa amodda ookhalla mu Samariya ni mu echigawo ya vakhopella va muhinje kinuuvahani mooni.

1 Epilli 12:18

Vaavo Munepa a Mulluku aamukitthella Amasai, oohoollella athu makhumi mararwaalle nave aallota wi, “Nyu Davide, hiyaanothi niri aanyu, niri nimodda ni nyu mwaana a Yese. Murendelle okhalle ni nyuwaano ni athu ayo enuukaviherani vawi Mullukwaanyu annuukaviherani.” Vano Davide aawaakhella nave ahaatthattusa oohoollella a milloko ddaye ddakhoto.

1 Samuele 25:6

Mwamullochelle wi, Davide anallota wi, ‘Murendelle okhalle ni nyuwaano ni nibanja nanyu nittheene ni ddeko ddanyu ddittheddene muriinyuna.

Oweeruza 19:20

Vano muthu awuulluvallooyo aallota wi, “Koowaakhellani onyumbani waka. Kineerewuukaviherani va ddittheddene munapaalleenyu. Vano muhinakona vanthatonimva.”

Oweeruza 6:23

Koma Apwiya yaamulleella wi, “Murendelle okhalle ni weyaano, ohooveke, khokhwa.”

Genesis 43:14

Mulluku Amasiva Mattheene aweerelleni echifundo vamiitthoni va muthooyo wi amuhokollose mwanamunninyu mmoddoolle ni Benjamini. Wa miyaano, khaya kaatathilla anamwani attheene, kaatathille.”

Genesis 42:36

Vano Yakobo attiitthiiwa ahaalleella wi, “Mookaakha anaaka vawi Yosefe aarimeella navettho Simeoni aarimeella nave vano munapaalla m'mukusettho Benjamini. Ddookatamiha ddittheddenenndda ddookimorella miyaano!”

Genesis 43:22

Noowaanattho makobiri mamodda ookullella ddoocha ddimodda. Khaninamudduwella oyo ahiyalle makobiri m'mathumbani mwahu.”

1 Epilli 12:19

Athu amodda a nlloko na Manase yaawa wa Davide mvo awiilleeye ni Afilisti voowanani ekhoto ni Saulo. Koma enthawi yeeyo Davide khawaakavihere Afilisti vawi oolamulelliiwa yaamuhokollosa ellota wi, “Olla ttuuhokollweella wa apwiyaaye Saulo ni onivelleella wa olliye.”