Genesis 43:18 - Mawu a Mulluku

¹⁸ Alliwaayo yahoova wunchichi vawoonani wi anaakusella o enyumba ya Yosefe. Nave yaganiza wi, “Ananivollochiha mmu ekaamba ya makobiri alle yahokolloselliwe m'mathumbani mwahu va enthawi yawaambeelle. Anaasha voonihellellavo ekhoto moorurumusa wi anitthattuse akaporwaaye nave wi anaakhe abulwaalla.”

Genesis 43:18 ပူးပေါင်းရင်းမြစ်များ

Genesis 42:35

Ettaphullalle mathumbiiwa, arive muthu aphwanyille nthumba na makobiraaye niri muwari mwa nthumbanno. Yoonilliiwa makobiraayo, alliwaayo ni attiitthiiwaayo yahoova wunchichi.

Aroma 7:8

Koma ekaamba ya malamulo yaalla, machimo yaaphwanyellavo ekari yaakitthattusa oosilila wunchichi. Vawi voohikhalla malamulo, machimo khenna masiva.

Mariko 6:16

Herode iiwalleeye ddenndda, aallota wi, “Tti Yohane Oobatiza! Kaamuphadda murwaaye koma ookhallattho mukumi!”

Yesaya 7:2

Nibanja na Davide niiwalle wi ellapo ya Siriya yohiiwanana ni ya Efuremu, mwene ni athwaaye yaatthukumella wonanko miteekho dda muutthakoni ddinatikhiwa ni ephevo.

Masalimo 73:16

Koma kaddiganizereemi ddenndda wi kiddiiwesese phaama, ddahooneya wa miyaano wonanko ddookatamiha.

Masalimo 53:5

Yaallathi eneerewoova wunchichi okhwaranya khalle, vawi Mulluku aneeromwara makhuva a adanaanyu, muneerewaawulliha muru vawi Mulluku ohaakhoota.

Yobu 30:14

Ennawa wonanko oovollowella voophovowa, enniipurullave variyari va ddookumuwa.

Yobu 15:21

Anniiwa mawu awoopiha owaruni waye, vaweesani wi ari vamurendelleni, anamasikita eneeromuhella ekhoto.

Oweeruza 14:4

Attiitthinnya ni amennyaayo kheyaadduwella wi ddennddo ddaari ddoovenyera wa Apwiya vawi Apwiya yapaalla ephwanye mpata woowanella ni Afilisti. Enthawi yeella Afilisti sika yaalamulella Aisraele.

Oweeruza 13:22

Vano Manowa aamulleella mwaariye wi, “Hi nineerokhwa vawi noomoona Mulluku!”

Deuteronomo 22:17

Oomootthera moomuwulliha muru wi khaari namwalli enthawi amutthelleeye. Koma vano hiyaano nookhalla ni omboni woosimikiza wi mwanakoolla aari namwalli ddawoona. Ngoonani, ezizindikiro dda madontho a nikhame va ekuwaaye yookwati!’ Vano eneerewooniha yoowareeyo vamiitthoni va attekweene a muzindooyo.

Deuteronomo 22:14

Vano ttuuwaamba omuwulliha muru ni omunyaambusa mutthiyanooyo voomwiipani mullatu wi khoonihalle ezizindikiro dda namwalli enthawi yatthellaniiwa.

Genesis 42:28

Nave aawiithana mookhuwa asinne wi, “Ha, ngoonani ookihokollosella makobiraaka. Khe alla eri mun'thumbanaalla!” Attheenaayo yaatthomowamo murima. Yaatthukumella ni woova wunchichi nave yaallota wi, “Mulluku aneerenlleeyeella tti tini?”

Genesis 42:21

Nave yahaamba ollota mmodda ni mukhwaaye wi, “Ddawoona, hiyaano naachimwa valle mung'onong'onwaahu anivekilleeye wi nimweerelle echifundo koma hiyaano naakhoota omweerella echifundo. Nave sika ekaambiiwa niri muddookatamiha ollellova.”

Genesis 43:17

Kaporooyo aheera moollikana ni mmo Yosefe amulamulelleeye, ahaakusella allopwanaayo o enyumba ya Yosefe.

Genesis 43:19

Sika ehinavollowe mpammo yaaphiya wa akaporo a Yosefe oowehera mpoolle,

Daniele 6:4

Nave oowehera akhwaaye ni enduna yaheeseesa omuphwanyella mullatu Daniele va mmo eetihelleeye omwene. Koma kheyaamuphwanyille ni erive yoolakwa kaambiiwa Daniele aari oororomelleya nave kheera ddawaanganyera apaalle ddoolleka.

Genesis 42:27

Ephiyalle va nipuro nookonella olendo, mmodda mwa alliwaayo aattaphulla nthumba naye wi avahullemo vang'ono yoocha yoomuchihella bulwaaye. Nave attaphullalle aphwanyille owanoni wa nthumbanno ori makobiri.

Genesis 44:8

Nyuwaano ni miitthwaanyu mwahoona wi hiyaano voovenyerani o Kanani, naahokollosa makobiri naaphwanyilleehu m'mathumbani mwahu. Ethiyo yawiiyera siliva apaalle golide mpa mwa apwiyaanyu tti tini?