Genesis 43:14 - Mawu a Mulluku

¹⁴ Mulluku Amasiva Mattheene aweerelleni echifundo vamiitthoni va muthooyo wi amuhokollose mwanamunninyu mmoddoolle ni Benjamini. Wa miyaano, khaya kaatathilla anamwani attheene, kaatathille.”

Genesis 43:14 ပူးပေါင်းရင်းမြစ်များ

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Mitteko 21:14

Vawi khaaniiwenlle, sika naamuhiya nave naallota wi, “Opaalla wa Apwiya weereye.”

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Masalimo 119:41

Apwiya, koonihelleni echikondaanyu yoohisintheya, kivulluseni moollikana ni mawaanyu.

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

Genesis 22:14

Nipuronno Abrahamu aanivaha nnddina nawi, “Mulluku annavaha.” Sika ophiyera ollello vineeriwa “Vamwaangoni wa Apwiya ennavaha.”

2 Yohane 1:3

Echisomo, echifundo ni murendelle dda Mulluku, Attiitthiihu ni Yesu Khrisitu, Mwaana a Attiitthiihu, ddikhalle ni hiyaano mu yawoona ni mu echikondi.

Tito 1:4

Kinuulembella wonanko Tito, mwanakamwanaka a echikhulupililo yoophwanaphwana ni miyaano. Echisomo ni murendelle ddoovenyera wa Attiitthiihu ni Khrisitu Yesu oonivullusa ddikhalle ni weyaano.

1 Timoteo 1:16

Koma Mulluku aakeerella echifundo, miyaano oochimwa waakhwaranya athu attheene wi Khrisitu Yesu oonihe olleva waye ottheene okhalle echisanzo wa ayo enaamukhulupilile muhoollo wi yaakhelle okumi woohimalla.

1 Timoteo 1:2

Kinamulembella wa weyaano, Timoteo, mwanakamwanaka mu echikhulupililo. Echisomo, echifundo ni murendelle ddoovenyera wa Mulluku Attiitthiihu ni Khrisitu Yesu Apwiihu ddikhalle ni weyaano.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Yesaya 49:13

We oddullu, ipa moohakallalla, we ellapo yavatthi, thapella! Nyu miyaango, ambani nchipo! Apwiya ahaakhurumusa murima athwiiwa, aaweerella echifundo athwiiwa oohoowa.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Miyambo 1:1

Miyambo dda Solomoni, mwene a o Israele, mwaana a Davide.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

Genesis 42:36

Vano Yakobo attiitthiiwa ahaalleella wi, “Mookaakha anaaka vawi Yosefe aarimeella navettho Simeoni aarimeella nave vano munapaalla m'mukusettho Benjamini. Ddookatamiha ddittheddenenndda ddookimorella miyaano!”

Genesis 42:24

Vano Yosefe aaya otte nave ahinlla miitthori. Murima omukhurumuwalle aahokollweella muwari mulle nave aambattho ollota. Aamutthoollavo Simeoni nave aamumaka vaavo alliwaayo yoonaka ni miitthwiiwa.

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Genesis 35:11

Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Masalimo 85:7

Noonihelleni echikondaanyu yoohisintheya, nyu Apwiya, nivaheni ovullusa.

Yohane 19:22

Pilato aallota wi, “Eyo kilembilleemi koolemba.”

Genesis 43:13

Mukuseni mwanamunninyoolla nave timullani, muyettho wa muthooyo.

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.

Genesis 44:12

Kaporo a Yosefoolle ahaashaasha phaamaddene ovenyera va muullupalli ophiyera va mung'onong'ono nave kapooyo aphwanyeyille munthumbani mwa Benjamini.