Genesis 43:11 - Mawu a Mulluku

¹¹ Vano Yakobo attiitthiiwa ahaalleella wi, “Ddikhallelliiwammu, erani ddennddo. Muthooyo mumukusellewo ezipaso ddooddiva dda mwiillaponimmu m'mathumbani mwanyummo wi mwamuvahe. Mumukusellettho makhura awiihella vang'ono, enwi vang'ono, makhura awunkhella oohiyanahiyana, mure,* muteza ni ezipaso ddimoddattho.

Genesis 43:11 ပူးပေါင်းရင်းမြစ်များ

Genesis 37:25

Echaka, yahoona mulloko wa amalonda ovenyeraka o Giliyadi. Ekamira* ddiwa dditukhullalle makhura awunkhella oohiyanahiyana olendo wooya o Iguputo.

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Ezekiele 27:17

Yuda ni Israele yaanakulla malondaawo. Waanaakulla tirigu, ezipaso dda olivi, namukuyu awaamba, enwi, makhura a olivi ni makhura awunkhella moowaakakhana ni katundwaawo.

Miyambo 18:16

Emphaso ennamweeriha muthu wi akhalle ni mpata woophiya vamiitthoni va muthu muullupalli.

1 Samuele 9:7

Saulo aamukoha mullupa muttekwaayooyo wi, “Vano ninaamukuselle muthooyo tini? Yoocha naariihuna munthumbani mwahu yoomalla nave khaninna emphaso yawi ttuumwinnya muthu a Mullukooyo. Ethiyo niri ni tini?”

Mitteko 21:14

Vawi khaaniiwenlle, sika naamuhiya nave naallota wi, “Opaalla wa Apwiya weereye.”

Ezekiele 27:15

Athu a o Dedani yaaneera malonda ni weyaano navettho a mukhwipi mwa enyanja waanaakulla manyaka a ethepo ni eviko moowaakakhana ni katundwaawo.

Nchipo na Solomoni 8:14

Akuva ookondiwaaka musombwewe, okhalle wonanko mphoyo apaalle mwanapaalla anathamakella m'mwaangoni, mmo munamella ddawunkhelliha yoocha.

Nchipo na Solomoni 4:14

Wookhalla miteekho ni makukhu oohiyanahiyana, oopotokosella ddawunkhellesesa.

Nchipo na Solomoni 4:10

Echikondaawo tti yooddiva mwawiidde omukhwaranya vinyo, we murokoraka, mwaaraka! Makhuraawo tti awunkhella mwawiidde okhwaranya ddawunkhella ddimodda ddittheddene!

Miyambo 21:14

Emphaso yoovelleella mwawiipittheya ennakhurumusa osha murima nave yamukaphwani, owalli woollipa.

Miyambo 19:6

Anchichi ennaallapa athu oovuwa nave arive muthu tti mukhwaaye a muthu oovaha.

Miyambo 17:18

Muthu oohikhalla ni ezeru annapangana omullivellella mmodda ni ovelleella echikole munipuroni mwa mukhwaaye.

Masalimo 76:11

Llupellani wa Apwiya Mullukwaanyu, mweereke nnddo mullupenlleenyu. Attheene emwaaphenlle eweena emphaso wa oyo anaphwanella wooviwa,

Masalimo 72:10

Mamwene a o Tarishishi ni a o ezilumba eneerowaana mituka navettho mamwene o Sheba ni o Seba eneerowaana emphaso.

Masalimo 68:29

ovenyera o enyumbaanyu ya o Yerusalemu, nko mamwene ennawiiwa ni emphaso wa nyuwaano.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

2 Mamwene 20:12

Enthawi yeeyo Merodaki Baladani mwaana a Baladani mwene a o Babiloni ahaarumiha amithenga awinnyera makalata ni emphaso wi yavelleelle wa Hezekiya vawi ahiiwa wi aamavoriiwa.

2 Mamwene 16:8

Nave Ahazi aakusa siliva ni golide addiphwanyilleeye mu enyumba ya Apwiya ni moosungella eyuuma ya o enyumba yoomwene addirumiha wa mwene a o Asiriya monga emphaso.

2 Mamwene 8:8

aamulleella Hazaele endunaaye yuullupalli wi, “Kusa emphaso oye wakumane ni muthu a Mulluku. Sika oveke ezeru wa Apwiya oyeella mwa olliye wi, ‘Ethiyo mwene aneerochira ereta yeella?’ ”

1 Mamwene 15:19

“Vikhalle mwiiwanano variyari va miyaano ni weyaano wonanko mmo attiittho ni attiitthaaka yiiwananelliiwa. Ngoona, kohuurumihella emphaso ddasiliva ni ddagolide. Oye wamallihe mwiiwananwaawo ni Baasha, mwene a o Israele, wi aavenyihemo akhotwaaye mu echigawaaka.”

1 Mamwene 10:25

Arive muthu aanawaana emphaso ddaye ddinchichi, ddeko ddoopangiwa ni siliva ni golide, ddoowara, mure,* makhura awunkhella, akavalo ni enyuru.* Nndda ddaaneereya orive muyakha.

1 Mamwene 10:15

oohimweerengella oyo avenyera wa allupa malonda ni alleto ni oyo avenyerattho wa mamwene mattheene a o Arabiya ni wa enduna dda mu ezigawo.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

1 Samuele 25:27

Pepaani apwiya, akhellani emphaso nnddo miyaano kaporwaanyu kiwiilleemina wa nyuwaano wi mwaakawelle athu murinyunaalla.

Deuteronomo 33:14

Ellapwiiwa edalisiwe ekhalle ni ezipaso ddawiithwa phaama, ekhallettho ni ddoohata ddinchichi enthawi ddittheddene.

Genesis 43:14

Mulluku Amasiva Mattheene aweerelleni echifundo vamiitthoni va muthooyo wi amuhokollose mwanamunninyu mmoddoolle ni Benjamini. Wa miyaano, khaya kaatathilla anamwani attheene, kaatathille.”

Genesis 33:10

Yakobo aallota wi, “Iyaayi, mwaarimi mukeerenlle echifundo, akhellani emphaswaakeella. Miyaano kaawoonaka ekhovaanyu kinakhalla wonanko kinoona ekhove ya Mulluku vawi mookaakhella ddiidda ni matta meelli.

Levitiko 20:24

Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.

Genesis 43:10

Nahikokowilleke ddaano neetille ettilla piilli ophiyera vano.”

Genesis 43:15

Sika asinne a Yosefe attheenaalle yaakusa emphasonndde nave yaakusattho makobiri manchichi, yaamukusattho Benjamini. Nave yaakhozeka, etimulla olendo wooya o Iguputo nave yaaphiya vamiitthoni va Yosefe.

Genesis 43:25

Vano allopwanaayo yakhozekella ovelleella emphaso ddiwanndde wa Yosefe oona aphiyaka otthaana, ekaamba yahiiwa wi enaachelle nimodda wenko.

Genesis 43:26

Yosefe aphiyalle, asinnaalle yaavelleella emphaso ddiwanndde wa olliye nave yaamukokhorella.

Ezekiele 27:22

Amalonda a o Sheba ni a o Rama yaanakullattho wa weyaano. Waanaakulla ddawunkhella wunchichi, malluku oowallamella mutengo ni golide moowaakakhana ni katundwaawo.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.