Genesis 42:38 - Mawu a Mulluku

³⁸ Koma Yakobo aallota wi, “Mwanakoolla khathaanana ni nyuwaano iyaayi, valle mwanamunne aakhwa nave ahanlle yeekha. Apaalle ttuukumana ni otulli nave miyaano kuulluvallelleemimmu ethakaraka sika ddinaakiiphe.”

Genesis 42:38 ပူးပေါင်းရင်းမြစ်များ

Genesis 37:35

Anaaye attheene aallopwana ni aatthiyana yaawa wi emukhurumuse murima koma olliye aakhoota ni wi, “Kinaakhalle kinllaka maliro a mwanaka ophiyera kivollowille mu mahame mmo muri olliyooyo.” Sika aavirellella winlla ekaamba ya Yosefe mwanaye.

Genesis 42:4

Koma Yakobo khaamurumallena Benjamini, mung'onong'onwaaye a Yosefoolle kaambiiwa oova wi apaalle ttuukumana ni otulli.

Genesis 37:33

Yakobo aawudduwella mukanjooyo nave aallota wi, “Ee, ddawoona tti mukanjo wa mwanaka! Enama yawoopiha yoomwiipha mwanaka. Kookhwa miyaano, Yosefe oottakhuniwa!”

Genesis 42:13

Vano alliwaayo yaallota wi, “Apwiya, hiyaano nayariwe anamwani aallopwana khumi ni eelli, anamwani aallopwana a muthu mmodda mu ellapo ya Kanani. Munnihu mung'onong'ono ari ni attiitthiihu nave mmodda aakhwa.”

Yesaya 46:4

Va wuulluvalla wanyu kinaakhalleve yoolle, naari voomellani embwi kineerovirellella wuupwathani, kineerewuutukhullani ni kineerewuuvullusani.

Yesaya 38:10

Kaanaganiza wi kiri musombwe mukitthikitthi, kineerotthaamella o ellapo ya ookhwa, kineeromallihella wenko miyakha ddaka ddoohalla.

Oollalleya 2:26

Vallethi muthu aphaama vamiitthoni va Mulluku annamutthattusa oodduwella, eezeru ni oohakallalla. Koma oochimwa annamuvaha mitteko ddawuurulla ni otthukumaniha ddeko vatulli viwa ddittheddenennddo ddinnavahiwa wa muthu oomuhakallalliha Mulluku. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 1:14

Ddittheddene ddaweereya vatthimva kooddoona. Ddittheddenennddo khaddinna mutteko nave oddaashaasha ddenndda tti wiikatamiha.

Masalimo 90:10

Miyakha dda okumaahu tti 70, nakhalla amasiva ttuukwakhwana 80. Koma miyakhannddo tti dda okhupanya ni okatamihiwa, ddinnamalla mwawaakuva, hiyaano ninarowa.

Masalimo 71:18

Nyu Mulluku, muhikihiye meekha, naari kuulluvanlle, kiri ni embwi ophiyera killalleyille dda masivaanyu ni dda ekophollo ddanyu wa mibado ddamuhoollo.

1 Mamwene 2:6

Vano weere moollikana ni ezeru ddawo koma ohimuhiye wi akhwe mwamurendelle uulluvallille.

Genesis 44:20

Nave hiyaano naawaakhullani wi, ‘Nookhallana attiitthiihu awuulluvalla ni mung'onong'onwaahu oyo ayariwe attiitthiihwaayo yuulluvanlle khalle. Muullupallaaye a musombwe yooyo aakhwa khalle. Sika mu erukullu mwa amennya, ookumi tti yoollave nave attiitthinnya ennamukonda wunchichi.’

Genesis 37:34

Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

Genesis 42:37

Rubeni ahaalleella attiitthinnya wi, “Ttuuwiipha anaaka aallopwana eelli, kalephela omuhokollosella Benjamini wa nyuwaano. Mukihiyere m'mattani mwaka kimupwathe nave kineerewuuhokollosellani.”

Genesis 43:13

Mukuseni mwanamunninyoolla nave timullani, muyettho wa muthooyo.

Genesis 44:22

Hiyaano naawaakhullani wi, ‘Musombooyo khanavenyevo vamiitthoni va attiitthinnya vawi eera ddiiddo, attiitthinnyaayo okhwa onaakhalle wenko.

Yobu 41:32

Ennahiya mutulli mwiwa niphoru, mwawi mmodda ttuuganiza wi enyanja yoomella embwi.