Genesis 42:28 - Mawu a Mulluku

²⁸ Nave aawiithana mookhuwa asinne wi, “Ha, ngoonani ookihokollosella makobiraaka. Khe alla eri mun'thumbanaalla!” Attheenaayo yaatthomowamo murima. Yaatthukumella ni woova wunchichi nave yaallota wi, “Mulluku aneerenlleeyeella tti tini?”

Genesis 42:28 ပူးပေါင်းရင်းမြစ်များ

Luka 21:26

Athu eneerongomowa ni woova, etiyerellaka nnddo ddinaaweereye va ellapo yavatthi kaambiiwa masiva a muddullu eneerotikhiwa.

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Maliro 3:37

Ttaani anaawore olamula wi ddawi yooriyoori ddeereye, yaarimi Apwiya ehaakhullenlle ddennddo?

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Yesaya 45:7

Kinnaphatusa owala ni epiphi, kinnawiiha madaliso ni otulli. Mi Apwiya kinneera ddittheddenenndda.

Nchipo na Solomoni 5:6

Kaamuhullella ookondiwaaka, koma ookondiwaaka aari avennyevo. Mwiillaaka waakhumuwa ekaamba ya yeella. Kaamwaashaasha koma ngaamphwanyille. Kaamwiithana koma khaakaakhunlle.

Masalimo 61:2

Miyaano ookhalla omamallihello wa ellapo yavatthi, kootathilla murima nave kinawiithanani nyuwaano, kihoollelleni o nlluku noorekama okikhwaranya miyaano.

1 Mamwene 10:5

ddoocha ddaye, mmo enduna ddaye ddakhallelliiwa, miimellello ni mawarello a oorumeyellaaye, oorumeyellaaye oovelleella ddoowirya ni mikutho ddaye ddooshellelliha avelleelleeye mu enyumba ya Apwiya, khaarittho ni yoollota.

Deuteronomo 28:65

Khemuwa muphwanya murendelle apaalle nipuro naanyunaanyu orive weko. Munaakhalle ookhumuwa, oorama nikavihero ni ootathilla murima nave Apwiya sika enaamorihe ddenndda va nyuwaano.

Levitiko 26:36

Nave naari nyuwaano munaahalle, kineerowiikaatthi murima wawoova mwa nyuwaano mwakhalla mu ellapo ya adanaanyu. Muneerekothawa muttottoroso wa makattha. Muneerothawa wonanko mmo muthu anathawelleeye nsupada nave muneerowiikuha muhiikarihiwaka.

Genesis 43:23

Kaporooyo ahaakhulla wi, “Muhitathille murima nave muhoove iyaayi. Mullukwaanyu, Mulluku a attiitthiinyu, sika uuhiyereni makobiri m'mathumbani mwanyummo. Makobiraanyu awaambaalle kahaakhella.” Enre ddiiddo ahaakhumihella Simeonoolle.

Genesis 42:36

Vano Yakobo attiitthiiwa ahaalleella wi, “Mookaakha anaaka vawi Yosefe aarimeella navettho Simeoni aarimeella nave vano munapaalla m'mukusettho Benjamini. Ddookatamiha ddittheddenenndda ddookimorella miyaano!”

Genesis 27:33

Vaavo Isaki ahaamba otthukumella wunchichi nave aakoha wi, “Ethiyo olle asayille enama awaana wa miyaano ttaani? Koocha khalle yeeyo, weyaano ohinawe. Koomudalisa khalle nave madaliso yaayo tti aaye wa enthawi yoohimalla.”

Genesis 42:29

Ephiyalle wa attiitthiiwa o ellapo ya Kanani, yahaatthopoollella attiitthiiwa ddittheddene nnddo ddaweereyelle. Yaallota wi,