Genesis 42:24 - Mawu a Mulluku

²⁴ Vano Yosefe aaya otte nave ahinlla miitthori. Murima omukhurumuwalle aahokollweella muwari mulle nave aambattho ollota. Aamutthoollavo Simeoni nave aamumaka vaavo alliwaayo yoonaka ni miitthwiiwa.

Genesis 42:24 ပူးပေါင်းရင်းမြစ်များ

Genesis 43:30

Allotille ddennddo Yosefe aavenyavo mwawaakuva ekaamba yawi murimaaye waaddalla ni echifundo va mung'onong'onwaayoolle. Ahallille vang'ono winlla, sika aavollowa ochipindani waye inllellaka wenko.

Aheberi 4:15

Mullupa mukutho muullupallaahooyo anniiwesesa ofooka wahu vawi olliyettho aheesiwa wonanko hiyaano koma khaachimwalle.

1 Akorinto 12:26

Echiwalo ya mwiilli emodda yoona ovoreya, eziwalo ddittheddene ddinniwana ovoreya. Echiwalo emodda yavahiwa olemu, eziwalo ddittheddene ddinnahakallallana.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Luka 19:41

Aatamenlleeye o Yerusalemu nave awoonilleeye muzindooyo, aawinllella

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Genesis 43:23

Kaporooyo ahaakhulla wi, “Muhitathille murima nave muhoove iyaayi. Mullukwaanyu, Mulluku a attiitthiinyu, sika uuhiyereni makobiri m'mathumbani mwanyummo. Makobiraanyu awaambaalle kahaakhella.” Enre ddiiddo ahaakhumihella Simeonoolle.

Genesis 43:14

Mulluku Amasiva Mattheene aweerelleni echifundo vamiitthoni va muthooyo wi amuhokollose mwanamunninyu mmoddoolle ni Benjamini. Wa miyaano, khaya kaatathilla anamwani attheene, kaatathille.”

Genesis 34:25

Viviralle mallapo mararu, makhwata a ophaddiwa wulle ehinavolle, anamwani eelli a Yakobo, Simeoni ni Levi, arokoriye a Dina, yaakusa mavakiiwa akhoto. Nave evollowa mwawiitta m'muzindani mulle, ewiipha allopwana attheene.

Genesis 42:23

Yosefe aaniiwa ddittheddene nnddo yallotiiwa koma alliwaayo kheyaadduwella kaambiiwa wi yallota ni olliye oyeella mwa oottaphullella.

Genesis 45:1

Vano Yosefe khaaworillettho ovillella vamiitthoni va akaporwaayaalle. Aallota mookhuwa wi attheene ekhume muchipindanimmo. Sika Yosefe ahallillemo yeekha ni asinne aadduupullulla yeekha.

Genesis 45:2

Ahinlla mookhuwa ophiyera Aiguputo yahiiwa nave epilli ya winllanngu wahiiweyattho o enyumba ya Farao.