Genesis 42:22 - Mawu a Mulluku

²² Sika Rubeni aallota wi, “Valle miyaano kahuulleellani wi musomboolla muhimweerena erive ello koma nyuwaano khamwaakiiwellelle. Mohoonathi vano nirina ollivelliwa ekaamba yoomwiipha olliye.”

Genesis 42:22 ပူးပေါင်းရင်းမြစ်များ

Masalimo 9:12

Vawi oohokollosella nikhame, annawuupuwella oohoosiwa, khanatiwalla winlla wiwa.

2 Epilli 24:22

Sika mwene Yowashi khuupuwelle ddaphaama nnddo Yehoyada attiitthinnya a Zekariya amweerelleeye koma aamwiipha mwanaye. Nave vookhwani aallota wi, “Apwiya ennoona nave ehokolloselle!”

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

Yawuupullulla 16:9

Athu yahaavulliwa ni oviha wawoopihanngu nave yahaamba ollotella epewe nnddina na Mulluku oyo arina olamulello va millillinndda. Koma kheyaarukunuwalle murima wi emutitimiheke Mulluku.

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”

Aroma 2:15

Makhallellwiiwa enooniha wi ddoollotiwa m'malamuloni mmo ddoolembiwa m'mirimani mwiwa. Yawuupusella murimiiwa enneerella omboni wi nndda tti ddawoona vawi maganizwiiwa ennawiipa mullatu nave enthawi ddimodda ennawaakhullella.

Mitteko 28:4

Athu awenkwaayo yahoona enoweeyo yaangellenlle onnatta na Paulooyo, ellota muthu ni mukhwaaye wi, “Muthoolla tti oowiipha athu. Oovullusiwa va enyanja koma mulluku ooweeriwa Echilungamo khamuhiya wi akhalle mukumi.”

Luka 23:41

Hiyaanothi ninnaphwanella ollakiwa kaambiiwa ninaakhella ollikana ni ddaweera ddahu koma olliyoolla khenre yoonanara.”

Ezekiele 3:18

Kamulleella muthu oonanara wi ‘We muthu oonanara oneerokhwa.’ Nave we waahimuchenjeza wi arukunuwe murima ohiya onanara wayenko nave avirellelle okhalla ni okumi, muthooyo aneerokhwa ari oochimwa koma weyaano kineerowiipa mullatu ekaamba ya okhwa waye.

Genesis 4:10

Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

Genesis 42:23

Yosefe aaniiwa ddittheddene nnddo yallotiiwa koma alliwaayo kheyaadduwella kaambiiwa wi yallota ni olliye oyeella mwa oottaphullella.

Genesis 45:3

Yosefe ahaalleella asinne wi, “Mi tti Yosefe. Ethiyo attiitthaaka yookhallawove?” Koma asinnaayo yahoova wunchichi vawi kheyaaworille naari omwaakhulla.

Genesis 50:15

Ekhwille attiitthiiwaalle, asinne a Yosefe yaallota wi, “Nineere tini hiyaano, Yosefe aarimi aniitakave wi anihokolloselle wonanko namuhooselleehu?”

1 Samuele 19:4

Vano Yonatani aallota ni attiitthinnya ddaphaama dda Davide vawaalleellani wi, “Amwene muhinamweerella ddoonanara oorumeyellaanyu Davide vawi olliye khuuchimwelleni ello koma annaweerellani ddaphaama.

1 Mamwene 2:33

Sika vano nikhame nineeromorella va Yowabu ni va edduullu ddaye wa enthawi yoohimalla. Koma murendelle wa Apwiya okhalle va Davide ni edduullu ddaye ni va mpandwaaye woomwene wa enthawi yoohimalla.”