Genesis 42:15 - Mawu a Mulluku

¹⁵ Vano kinapaalla kiweeseni mwawi ddiidda, kinallupella mu okumi wa Farao! Nyuwaano khamurowa ophiyera Mung'onong'onwaanyooyo awiille wuno.

Genesis 42:15 ပူးပေါင်းရင်းမြစ်များ

1 Samuele 17:55

Saulo amonne Davide ayaaka woowana ekhoto ni Mufilistoolle, aamukoha Abinere, akhoto muullupalli wi, “Ethiyo weyaano Abinere, musomboolla tti mwaana awani?” Abinere ahaakhulla wi, “Pepaani amwene, nginamudduwella”

Yakobo 5:12

Asinnaka ni arokoraka nave ohiyana ni ddittheddene, muhillupelleke mwaasimikizellaka ello. Muhillupelleke mooromolla oddullu apaalle ellapo yavatthi apaalle erive ello. Mweereke “ee” vawaakhullellani nave mweereke “iyaayi” mwaakhootaka wi muhimorelle mu echiweruzo ya Mulluku.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

1 Samuele 20:3

Koma Davide aallupellattho wi, “Kinimallupella vamiitthoni va Mulluku! Attiittho ennadduwella wi onnakeerella echifundo sika yaaganiza wi, ‘Yonatani ahidduwelle ddenndda woova wi ttuumoriwa ethakaraka.’ Koma vamiitthoni va Apwiya nave vamiitthoni vawo variyari va miyaano ni okhwa viri wonanko nnyallo nimodda.”

1 Samuele 1:26

Hana aallota wi, “Apwiya miyaano tti mutthiyana olle iimenlle vamiitthoni vanyu avekellaka wa Apwiya.

Deuteronomo 6:13

Muwooveke Apwiya Mullukwaanyu ni waallapella yaayove nave mullupelleke mu nnddina niwave.

Genesis 43:3

Koma Yuda aallota wi, “Muthoolle aanichenjeza moollupella wi khanaakhullella ophiyera vamiitthoni vaye, naahimukusa mung'onong'onwaahoolla.

Genesis 42:34

Mung'onong'onwaanyooyo mwaweena wuno, osimikiza wi munallota ddawoona nave khamwiiphiwa. Vaavo sika kineerodduwella wi khamuhiyo oozonda koma muri oororomelleya. Vano kineerewuuhokollosellani mwanamunninyooyo nave nyuwaano ttuuvirellella weera malonda mwiillaponimmu.’ ”

Genesis 42:30

“Enduna yuullupalli yeellapweeyo yaanilochella moowalli wi eniwa hiyaano tti oozonda awoonellella ofooka wa ellapwiiweeyo.

Genesis 42:20

Mung'onong'onwaanyooyo mwaweena wuno, osimikiza wi munallota ddawoona nave khamwiiphiwa.” Alliwaalle yahaakhullella ddennddo.

Genesis 42:16

Murumeni mmodda mwa nyuwaano wi aye amukuse. Amodda attheene oohallanyu munaawallelliwe mundendeni ophiyera mawaanywaalla esimikizelliwe, noone mwaarimi mullotaka ddawoona. Olephela mvo, kinimallupella mu okumi wa Farao, nyuwaano tti oozonda.”

Genesis 42:12

Yosefe aallota wi, “Iyaayi. Nyuwaano muweelle wi mweetellelle ellapwaahu wi moone mmo efookelliiwa.”

Genesis 42:7

Yosefe awoonille asinnaayo, ahaadduwella koma aaddiipitthiha wonanko mulleto. Nave ahaamba waallochella moowalli, anaakoha wi, “Ethiyo nyuwaano munavenyera wuuwi?” Alliwaayo yahaakhulla wi, “Ninavenyera o Kanani wi nikulle yoocha.”

Genesis 42:14

Koma Yosefe aawaakhulla wi, “Tti ddennddo kaakeeminndde wi nyuwaano tti oozonda.

Genesis 43:5

Koma mwaahaakhullella, hiyaano khaniyaawo vawi muthooyo aanilleella wi, ‘Ngiwaakhullellani ophiyera vamiitthoni vaka mwaahiwaana mwanamunninyooyo.’ ”