Genesis 41:8 - Mawu a Mulluku

⁸ Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Genesis 41:8 ပူးပေါင်းရင်းမြစ်များ

Daniele 4:7

Sika yaawa amasenga, awoombesa, oollotella ddamuhoollo ni oottaphullella olloha nave kahaatthopoollella koma kheyaawonre okittaphullella ollohanngu.

Eksodo 7:22

Koma amasenga a o Iguputwaalle naalliwattho yaheera ddennddo mwa masengiiwa sika wi Farao ahummihave murima. Khaawiiwellelle Mose ni Aroni moollikana ni mmo Apwiya yallotilliiwa.

Mateyu 2:1

Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Daniele 4:5

Kikonaka kaalloha ddawoopiha. Ddeko koonilleemi m'muruni mwaka kikonaatthille vabedini vaka ddaakoopiha wunchichi.

Daniele 1:20

Enthawi ddittheddene mwene akoha ddeko ddoopaalleya ezeru ni wiiwesesa, aanaphwanya wi alliwa yaanaakhwaranya wunchichi amasenga ni awoombesa a mu omwenaaye ottheene.

Yesaya 29:14

Sika kineerovirellella oweerella ddoottikhiniha athu yaayo. Ezeru dda athwiiwa eezeru ddineeromalla nave ochenjera wa athwiiwa oochenjera oneerewiipittha.”

Eksodo 7:11

Vano Farao aawiithana athwaaye eezeru ni amasenga. Nave alliwaayo yaheerattho emoddamoddave yeeyo mwa masengiiwa.

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Yesaya 8:19

Vano athu eneerewuulleellani wi, “Khaweni mwakohe wa oollota ni minepa ni wa awoombesa ayo enamwinlla namame nngu etokollollaka. Ethiyo athu khenaveka ezeru wa athu a milluku ddiwa? Ethiyo athu ennaya wa ookhwa wi yaavekella ezeru athu ookumi,

Levitiko 19:31

“Muhinayaaka wa athu oollota ni minepa dda athu ookhwa apaalle wa amanyaka. Muhinawaashaashaka wi ehuuripiheni. Mi tti Apwiya Mullukwaanyu.

Eksodo 8:7

Koma amasengaalle naalliwattho yaheera ddennddo mwa masengiiwa nave anaphullu yaawa mwiillaponi.

Genesis 40:8

Alliwaayo yaamwaakhulla wi, “Eellihi naalloha mahiiyu evirallaalla nave vano khaavo naari mmodda oyo anawora onittaphullella ddoollohannddo.” Vaavo Yosefe ahaalleella wi, “Tti Mullukuve oyo anavaha ezeru ddoottaphullella olloha. Ngakilleelleni mullohillaanyunnddo.”

Genesis 40:6

Yosefe awiille ohinase, ahoona wi ekhove ddiwa ddaamora.

1 Akorinto 1:19

Ddaalembiwattho mu mawu a Mulluku wi, “Kineerewoononga ezeru dda athu eezeru, ni ochenjera wa athu oochenjera.”

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Mitteko 7:22

Nave Mose aahuddihiwa ezeru ddittheddene dda o Iguputo nave akhalla muthu amasiva mu mawu ni mu ddaweera ddaye.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

Daniele 5:11

Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Levitiko 20:6

“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Eksodo 9:11

Amasengaalle kheyaaworillettho ophiyera vamiitthoni va Mose ekaamba yawi alliwattho yaari etthukuve, moollikana ni mmo yakhallelliiwa Aiguputo attheene.

Genesis 41:7

Makalla awoondaayo yaamirya makalla matthanu ni meelli oowaraalla phaamaalle. Farao avenyille, aadduwella wi aamalloha.

Genesis 41:15

Nave Farao aamulleella Yosefe wi, “Miyaano kaalloha koma khaavo naari mmodda oyo oowora ottaphullella ddoollohannddo. Vano kohiiwa wi weyaano walleelliwa ddoolloha, eniwa onnadduwella ottaphullella wene.”

1 Samuele 6:2

Vano Afilisti yaawiithana allupa mukuthwiiwa ni athu amakhanga yaakoha wi, “Ninaaweerena tini nibokosi na echipanganonna? Nilleelleni, ninaanihokollose mwawiidde?”

Daniele 4:6

Sika kaalamula wi eezeru attheene a o Babiloni ewe wa miyaano wi ekilleelle ottaphullella wa ollohanko.

Daniele 4:18

“Nngu sika olloha nko miyaano mwene Nebukadinezara kallohilleemi. Vano, we Beliteshazara okittaphullelle vawi eezeru attheene a mu omwenaaka khenawora okittaphullella koma weyaano onnawora vawi wookhalla ni munepa wa milluku ddaweella.”

Genesis 41:24

Makalla awoondaayo yaamirya makalla matthanu ni meelli oowaraalla phaamaalle. Vano kahaatthopoollella amasenga ddoollohanndda koma khaavo naari mmodda oyo awonre okittaphullella.”