Genesis 41:42 - Mawu a Mulluku

⁴² Enre ddiiddo, Farao aarulla emphete yoomwene muyaallani mwaye, amuwariha Yosefe oyaallani waye. Aamuwarihattho ddoowara ddabafuta ni ogufu wa golide munikohini mwaye.

Genesis 41:42 ပူးပေါင်းရင်းမြစ်များ

Daniele 5:29

Vano Belishazara aalamula wi Daniele emuwarihe ddoowara ddooreera ddoofiira ni ogufu wagolide munikohini. Vatulli wiwa yaallalleya wi akhalle oolamulella aneeraru mu ellapweeyo.

Daniele 5:7

Mwene aakhuwa owiithana awoombesa, amasenga ni oollotella ddamuhoollo wi ewe. Ahaalleella eezeru a o Babiloni wi, “Arive muthu oowora weerenga ddilembiwe mvanndda ni okilleella ottaphullella wiwa, kinimamuwariha ddoowara ddooreera ddoofiira ni ogufu wagolide munikohini nave anaakhalle oolamulella aneeraru mu ellapweella.”

Estere 3:10

Vaavo mwene aarulla emphete o nnatta waye, eyo yapharihiwa mutteko woodinda malamulo a mwene. Nave ayivelleella empheteeyo wa Hamani Mwagagi, mwaana a Hamedata, mudani a Ayuda.

Daniele 5:16

Sika kohiiwa wi weyaano onnawora ottaphullella olloha navettho mawu ookhuweya. Weerenga malemba yaalla ni okilleella ottaphullella wiwa kineerewuuwariha ddoowara ddooreera ddoofiira ni ogufu wagolide munikohini mwawo nave onaakhalle oolamulella aneeraru mu ellapweella.”

Estere 8:2

Mwene aarulla emphetaaye yookhalla ni echidindo eyo aakhilleeye ovenyera wa Hamani, ayivelleella wa Mordekai. Sika Estere aamwinnya Mordekai ottekweene woowehera enyumba ya Hamani.

Estere 8:15

Vano Mordekai aavenyavo vamiitthoni va mwene awarille ddoowara ddoomwene ddoobiliwila ni ddaweella navettho ni enduwira yoomwene yuullupalli ya golide. Aawarattho mukanjo wabafuta woofiira nave muzinda muttheene wahaamba okhuwa moohakallalla.

Estere 8:10

Makalataayo yalembiwe mu nnddina na mwene Ahasuwero navettho yaadindiwa ni emphetaaye. Vano makalataayo yaarumihiwa ni amithenga oowella va akavalo oothamaka wunchichi oorellelliwa munikhollani na mwene.

Ezekiele 27:7

Yahuuthunyella ni ekuwo yabafuta yoopetiwa phaama yoovenyera o Iguputo sika yaari wonanko embendalaawo. Ekuwo ddoosirana enyumba ddawo ddaari ddoobiliwira ni ddooreera ddoofiira ddoovenyera o ezilumba dda Elisha.

Nchipo na Solomoni 1:10

Wooreera, marama ni endolonndda, nikohi ni mikhova dda malluku oowallamella mutengo.

Miyambo 31:24

Annasowa ddoowara ddabafuta anaddikulliha, annakullihattho mikhwamba wa athu malonda.

Miyambo 31:22

Anniipangella yeekha ddawiikhuneella nave annawara ddoowara ddabafuta ni ddooreera ddoofiira.

Estere 8:8

Koma lamulo noolembiwa mu nnddina na mwene ni odindiwa ni emphete ya mwene, khaavo anawora onirukunusa. Sika nyuwaano mwaalembellettho Ayuda mmo munapaallelleenyu, mu nnddina na mwene ni odinda ni emphete ya mwene.”

Estere 3:12

Vano alembi a mwene yahiithaniwa va nllapo na khumi ni naneeraru na mweeri wawaamba nave yaamulemba kalata oollota ddittheddene nnddo Hamani alamulalleeye. Yaamurumiha wa attekweene ni allupa mutteko a mwene ni enduna dda mu ezigawo ddittheddene, o erive echigawo moollikana ni mmo enalembelliiwa navettho wa nirive nlloko mu ellotellwiiwa. Kalatooyo alembiwe mu nnddina na mwene Ahasuwero nave aadindiwa ni emphetaaye.

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Miyambo 1:9

Ddiri wonanko enduwira yamalluwa yooreera omuruni wawo. Ddiri wonanko ogufu wa munikohini mwawo.

Estere 10:3

Ddawoona, Mordekai Muyudoolle aari aneepiilli wa mwene Ahasuwero. Aari muullupalli variyari va Ayuda navettho ookondiwa ni athu anchichi a nlloko naye vawi aanaweerella ddaphaama ni owaashella murendelle.

Genesis 38:18

Yuda aamukoha wi, “Ethiyo onapaalla echikole ya mutundu tini?” Tamara ahaakhulla wi, “Mukinnye emphetaanyu, mukwaanyu ni mutootwaanyu oyo ori m'mattani mwanyummu.” Vano Yuda aavelleella ddittheddenennddo wa Tamara. Sika Yuda aakona ni mutthiyanooyo nave Tamara aakusa erukullu.

Genesis 41:43

Aamuwellihattho va gareta naye naneepiilli noomwene nave akhoto oomuwehera Farao yahaamba okhuwa eri vahoollo va garetanno wi, “Mukokhorelleni.” Sika Yosefe ahaakhella olamulello nave aakhalla enduna yuullupalli ya ellapo ettheene ya Iguputo.

1 Samuele 18:4

Vano Yonatani aarulla mukanjo oyo awareeye amuvaha Davide ni ddoowara ddakhoto, nsupada naye muuraaye ni laambaaye.

Masalimo 73:6

Ennawara wiitukhulla wonanko mukhova wa mukohi ennawara ekuku wonanko malaya.

Nchipo na Solomoni 4:9

Wookitthomolla murima, we murokoraka, mwaaraka. Wookikusa murima ni mawehello a miitthwaawo, ni mmodda mwa ogufu wa munikohini mwawo.

Yeremiya 52:33

Sika Yehoyakini aarulla ddoowara ddaye ddoondende nave nllapo ni nllapo aanacha ni mwene va okumaaye muttheene.

Yesaya 3:23

magalasi awoonellavo ekhove, ddoowara ddabafuta, enduwira ddimodda navettho ekuwo dda m'mathurini.