Genesis 41:41 - Mawu a Mulluku

⁴¹ Sika Farao aamulleellattho Yosefe wi, “Vano miyaano kohuutthoolla weyaano wi okhalle enduna yuullupalli ya ellapo ettheene ya Iguputo.”

Genesis 41:41 ပူးပေါင်းရင်းမြစ်များ

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Daniele 6:3

Daniele ahooniwa mwawaakuva wi ttuuphara mutteko phaama okhwaranya oowehera akhwaaye ni enduna kaambiiwa olliye aari eezeru ddoowallamella. Sika mwene aaganizera ddawi Daniele akhalle oowehera omwene muttheene.

Genesis 42:6

Nave Yosefe aari enduna yuullupalli yoolamulella ellapo ettheene ya Iguputo nave olliye sika amukulliha tirigu wa athu oovenyera o ezigawo ddittheddene dda ellapo. Nave asinne a Yosefe yaaphiya navettho yaamukokhorella Yosefooyo.

Miyambo 22:29

Ethiyo woomoona muthu eeruso ni muttekwaaye? Olliye aneerewiimella vamiitthoni va mamwene oohikhalla va athu shisha.

Miyambo 17:2

Kaporo aweera ddeko mweezeru aneeromulamulella mwaana oowulliha muru nave aneerokawanana yoohallana ya abalaaye.

Estere 10:3

Ddawoona, Mordekai Muyudoolle aari aneepiilli wa mwene Ahasuwero. Aari muullupalli variyari va Ayuda navettho ookondiwa ni athu anchichi a nlloko naye vawi aanaweerella ddaphaama ni owaashella murendelle.

Genesis 41:44

Farao aamulleella Yosefe wi, “Naari kiri mwene, weyaano waahaakhullella, khaavo naari muthu mmodda oyo anaawore weera erive ello naari weeta wene mu ellapo ettheeneella ya Iguputo.”

Genesis 39:22

Nave oowehera endende aamutthattusa Yosefe kapitawo awaawehera a mundende akhwaaye attheene ni ddittheddene ddaweereya mundendenimmo.

Genesis 39:5

Ovenyera enthawi eyo Yosefe aambilleeye owehera ddittheddene dda mpa mwa Potifarooyo, Apwiya yaadalisa ddittheddene dda mpa mwa Muiguputooyo vamoddattho ni dda omata ddaye ekaamba ya Yosefe.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Masalimo 105:21

Aamutthattusa apwiya a mu enyumbaaye, oolamulella eyuumaaye ettheene

Oollalleya 4:14

Musombooyo ttuuvenyera ondende wi akhalle mwene naari ayariwe oohoowa mwiillaponi mwaye mwemmo.

Genesis 45:8

Sika khamuhiyo nyuwaano mwakirumihalle wuno iyaayi koma Mulluku. Olliye ookitthattusa enduna yuullupalli ya Farao nave ellapo ettheeneella ya Iguputo eri m'mattani mwaka.

Daniele 2:48

Vatulli viwa mwene aamuwelliha Daniele amuvaha olemu ni omwinnya emphaso ddaphaama ddinchichi. Aamutthoolla wi akhalle oolamulella echigawo ettheene ya Babiloni navettho wi akhalle muullupalli a eezeru attheene.