Genesis 40:20 - Mawu a Mulluku

²⁰ Viviralle mallapo mararu, vaakhalla machellello oohakallallella nllapo nooyariwa Farao nave Farao ahiithaniha enduna ddaye ddittheddene. Aamukhumiha mundendeni oovelleella vinyoolle vamoddattho ni oomwaapeya buledoolle. Eellaalle aawiimesa vamiitthoni va enduna ddayenndde.

Genesis 40:20 ပူးပေါင်းရင်းမြစ်များ

Mateyu 14:6

Va nllapo nawuupuwella oyariwa wa Herode, olliyoolla aahakallallana mwaana aamutthiyana a Herodiyasi kaambiiwa ahinna vahoollo va athu attheene.

Genesis 40:19

Vavira mallapo mararu Farao aneerewuukhumiha mundendenimmu nave aneerewaalamula akhoto wi ephadde murwaawo. Vano mutembwaawo oneerotthomeyiwa vamuteekhoni nave epallame ddineerottakhuna muhehaawo.”

Genesis 40:13

Vavira mallapo mararu, Farao aneerewuukhumiha mundendenimmu, eneerewuuttaphulla nave aneerewuuhokollosella vamuttekoni vawo. Sika vano onaamuvelleelleke vinyo wa Farao wonanko weerelliiwa khalle.

Mariko 6:21

Koma va nllapo nawuupuwella oyariwa wa Herode, Herodiyasi aaphwanya mpata. Va nllapo nenno Herodooyo aawiithana attekweene a niboma naye, attekweene akhoto ni athu oovuwa o Galileya wi ekhallena vamachellelloni vaye.

2 Mamwene 25:27

Va nllapo na 27 na mweeri waneekhumi ni piilli m'muyakha wa 37 wa okaporo wa Yehoyakini mwene a o Yuda, Evili Merodaki mwene a o Babiloni avollowille wene omwene, aamweerella echifundo Yehoyakini voomukhumihani mundende.

Mateyu 25:19

“Villekenlle wunchichi, apwiya a allupa muttekwaalle yaawaawo. Nave yaawiithana allupa muttekwaalle wi emutakhelle mmo yapharihelliiwa mutteko eyuumeelle.

Yobu 3:1

Vatulli viwa Yobu aattaphulla vayanoni vaye aamba otembelela nllapo naye nooyariwa.

Estere 1:3

M'muyakhani waneeraru wa omwenaaye aakeraatthiha machellello a attekweenaaye attheene ni allupa muttekwaaye, akhoto uullupalli a o Persiya ni a o Mediya vamoddattho ni athu oovuwa ni enduna dda mu ezigawo ddaye.

Genesis 21:8

Mwaanooyo ahunnuwa nave nllapo nawi ahiye waamwa, Abrahamu aapanga machellello.

Masalimo 105:19

ophiyera nndde Yosefe allotilleeye ddeereyille. Mawu a Apwiya yaasimikiza wi olliye khaalakwille.

Yeremiya 52:31

Va nllapo na 25 na mweeri waneekhumi ni piilli, m'muyakha wa 37 wa okaporo wa Yehoyakini mwene a o Yuda, Evili Merodaki mwene a o Babiloni avollowille wene omwene, aamweerella echifundo Yehoyakini mwene a o Yuda voomukhumihani mundende.

1 Mamwene 3:15

Solomoni aavenya nave aadduwella wi aamalloha. Vano aaya o Yerusalemu iimella vahoollo va nibokosi na echipangano na Apwiya avelleella mikutho ddooshellelliha ni mikutho ddeeyaattano dda Apwiya. Vano ahaakhozella machellello oorumeyellaaye.