Genesis 4:9 - Mawu a Mulluku

⁹ Sika vano Apwiya yaamukoha Kaini wi, “Ethiyo mung'onong'onwaawo Abele ari wuuwi?” Olliye ahaakhulla wi, “Nginadduwella. Ethiyo mi tti mullupa mutteko oomuwehera mung'onong'onwaaka?”

Genesis 4:9 ပူးပေါင်းရင်းမြစ်များ

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Masalimo 9:12

Vawi oohokollosella nikhame, annawuupuwella oohoosiwa, khanatiwalla winlla wiwa.

Genesis 37:32

Nave yaakusa mukanjoolle eya yawoonihella attiitthiiwa. Nave yaallota wi, “Ngoonani niphwannyeehu. Khe mukanjo wa mwaninyu olla apaalle khe yooyo?”

Genesis 4:10

Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

Genesis 37:26

Nave Yuda ahaakoha asinne wi, “Ethiyo ninaaphurevo tini namwiipha munnihu nave nakhuwa wi khanimwiiphalle?

Masalimo 9:13

Apwiya, mukeerelle echifundo, ngoonani enakihoosella ookiita. Munnakivullusa wi kihikhwe,