Genesis 4:10 - Mawu a Mulluku

¹⁰ Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

Genesis 4:10 ပူးပေါင်းရင်းမြစ်များ

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Yesaya 5:7

Israele sika emata yampesa ya Apwiya Amasiva Mattheene Yuda sika mpesaaye woohakallalliha. Apwiya yaatiyerella ddaphaama koma yoonille wiiphanana. Alliwa yaatiyerella echilungamo koma yiiwalle winlla wa oohoosiwa.”

Masalimo 72:14

Aneerewoopolla okumiiwa wa owaanyingallella ni eechiwawa nikhame niwa tti noowallamella mutengo vamiitthoni vaye.

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Masalimo 9:12

Vawi oohokollosella nikhame, annawuupuwella oohoosiwa, khanatiwalla winlla wiwa.

Numeri 35:33

Muhiripihe ellapo eyo munakhalleenyu. Nikhame ninnaripiha ellapo nave tti woohiworeya woopolla ellapweeyo ekaamba ya nikhame nimorihiwe mwemmo ophiyera mumorihalle nikhame na muthu amorihalle nikhamooyo.

Yobu 16:18

We ellapo, ohikhuneelle nikhame naka, winlla waka ohoone vawiithuuwella.

Genesis 9:5

Arive muthu oomwiipha muthu, aneerewiiphiwa. Erive enama yoomwiipha muthu, eneerewiiphiwa. Arive muthu oomwiipha mukhwaaye, nayeenettho iiphiwe.

Masalimo 50:21

Weyaano waheera ddeko ddenndda, miyaano kaamoona oweha, Waganiza wi kinnaphwanaphwana ni weyaano, koma vano kinnuuhumullulla ni owoonihella nnddo weerilleewe.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Yobu 24:12

Ayo eri vakhuviru okhwa enniipullella m'muzindani, oophoreya enninllella okaviheriwa, koma Mulluku khanapwatha yoonanara.

2 Mamwene 9:26

‘Ddawoona, moollikana ni mmo koonelleemi wiiphiwa wa Naboti ni anaaye oddillo, kinuulleella wi kineerowuuhokollosella ddoonanara yeella va emata vaava.’ Sika mukuseni mumvokhelle m'matanimmu moollikana ni nnddo yallotille Apwiya.”

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

Genesis 18:20

Sika Apwiya yaamulleella Abrahamu wi, “Vookhalla mullatu wawoopiha woohumullulla Sodomu ni Gomora nave nichimo niwa tti nuullupalli wunchichi.

Genesis 3:13

Vano Apwiya yaamukoha mutthiyana wi, “Ethiyo weyaano, ella weerilleewe tti tini?” Mutthiyana ahaakhulla wi, “Enowa sika yakillekille wi kiche.”

Mitteko 5:9

Vano Petro aallota wi, “Kaambiiwa tini wiiwananneewe ni mamunooyo wi muweese Munepa wa Apwiya? Asombwe emuvitthalle mamuno eri vamullakonimvo nave eneerewuutukhulla wi yuuvitthe naweenettho!”

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Deuteronomo 21:1

“Mwiillaponi eyo Apwiya Mullukwaanyu enuuvahiiwani wi ekhalle yaanyuyaanyu apaalle ttuumuphwanya muthu akhwenlle vahakani, nyuwaano oohimudduwella oyo amwiiphalle.

1 Samuele 13:11

Samuele aamukoha wi, “Ella weerilleewe tti tini?” Olliye ahaakhulla wi, “Koonilleemi wi athu enimapallalleya okihiya nave vawi khamwaaphiyalle enthawi mwallotilleenyu wi muneerophiya navettho wi Afilisti aatthukumana o Mikimashi,

2 Epilli 28:9

Koma waari namallotella a Mulluku nnddina naye Odedi. Olliye aaya wi akumane ni mulloko wakhoto wawiille o Samariya nave ahaalleella wi, “Apwiya Mulluku a makhollwaanyu yahaashella murima athu a o Yuda nave yahaavelleella m'mattani mwanyu koma moowiipha mwa owalli oyo ophiyalle oddullu.

Masalimo 9:13

Apwiya, mukeerelle echifundo, ngoonani enakihoosella ookiita. Munnakivullusa wi kihikhwe,