Genesis 39:9 - Mawu a Mulluku

⁹ nave olamulello wa ddittheddene dda mpammu ori m'mattani mwaka, ohiri m'mattani mwaye. Khakiimanille erive ello opatula nyuwaanove vawi muri amwaariwa. Miyaano ngiwora weera ello yoonanara yawi ddiidda ni omuchimwella Mulluku.”

Genesis 39:9 ပူးပေါင်းရင်းမြစ်များ

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

Genesis 42:18

Viviralle mallapo mararu Yosefe ahaalleella wi, “Vawi miyaano kinnamoova Mulluku, muneerovulluwa vaavove mweera nndda.

Genesis 20:6

Mulluku aamwaakhulla moolloha mwemmo wi, “Ee kinnadduwella wi weyaano waheera ddenndda moohikhalla ni yawuupusella murima. Mwawi ddiiddo kuuvaanyihalle tti miyaano wi ohikichimwelle vookonani ni mutthiyanooyo.

1 Yohane 3:9

Ayo eyariwe mwa Mulluku khenavirellella ochimwa vawi mmiddo wa Mulluku ori mwa alliwaayo. Nave kaambiiwa Mulluku sika Attiitthiiwa, khewora ovirellella ochimwa.

Luka 12:48

Koma mullupa mutteko oyo ahinadduwella ello apwinnya enapaalliiwa wi eere nave eera ddoophwanella ollakiwana, aneerewuukuthiwa vang'ono. Nave muthu avahiwe ddeko ddinchichi aneerohokollosa ddinchichi nave muthu avahiwe ddawaatesesa aneerohokollosa ddawaatesesa.”

Masalimo 51:4

Kohuuchimwellani nyuwaano, nyuwaano nyookha, koheera ddoonanara vamiitthoni vanyu. Wi mukhalle oolungama vaweeruzani, mukhallettho aweella vaweeruzani vookamullani mullatwaaka

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

Yeremiya 50:7

Arive muthu aaphwanyille aawoononga. Nave adaniiwa yaanallota wi, ‘Hi kheninna mullatu ekaamba yawi alliwaalla yahaachimwella Apwiya ayo eri vookhalla viwa vawoona, ayottho makhollwiiwa yaaroromelliiwa.’

Yeremiya 28:16

Sika Apwiya enallota wi, ‘Ochenjere vawi eneerewuuvenyihavo va ellapo yavatthi. Onaakhwe muyakhoolla ohinamalle ekaamba yawi onallalleya ddookiwukila miyaano Apwiya.’ ”

Yobu 31:23

Vawi kinnoova otulli woovenyera wa Mulluku, nginawora weera ello ekaamba ya ottekweenaaye.

2 Samuele 11:27

Mutthiyanooyo amallihalle omwinllella mamunooyo, Davide aamuruma muthu amukusa awaana o enyumba yoomwene. Nave Davide aamutthella. Mutthiyanooyo aamuyarella mwaana aamullopwana. Koma nnddo eerille Davide ddahaananara Apwiya.

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Levitiko 6:2

aalleelle Aroni ni anaaye wi, “Muthu eera ddeko moohiroromelleya, vawaachimwellani Apwiya ekaamba ya omulleka mukhwaaye vookhootani omuhokollosella nnddo amusungenlleeye apaalle omwiiyera apaalle omoottottha,

Miyambo 6:32

Koma muthu ooraruwa khanna ezeru vawi aweera ddennddo anaddoononga yeekha.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Tito 2:10

apaalle owiiyera. Koma enapaalleya yooniheke wi tti aphaama ni oororomelleya wi yariihe ehuddiho ya Mulluku oovullusaahu mu erive ello.

Miyambo 6:29

Sika tti emoddamoddave yeeyo wa mullopwana oyo anakona ni mwaara a mukhwaaye. Khaavo muthu ahinaallakiwe amuttannyille mwaara a mukhwaaye.

Nehemiya 6:11

Koma kahaakhulla wi, “Ethiyo muthu wonanko miyaano ttuuthawa? Nave muthu wonanko miyaano ttuuwiipittha mu enyumba ya Mulluku wi kiivulluse? Ngivollowamo miyaano.”

Levitiko 20:10

“Muthu araruwa ni mwaara amwaneena, mullopwanooyo ni mutthiyanooyo attheene yiiphiwe.

Genesis 41:40

Weyaano sika onaalamulelleke enyumbaaka yoomwene nave athwaaka attheene eneerekowiiwellella. Miyaano kinaakhalle muullupalli wa weyaano voomwenenive vaava.”

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Genesis 24:2

Nllapo nimodda aamulleella mullupa muttekwaaye muullupalli oyo awehera eyuumaaye ettheene wi, “Ngakiphare vatthi va kasambaroolla nave ollupelle.

Genesis 20:3

Vano mahiiyu mamodda Mulluku aamooneyella mwenooyo moolloha ni ollota wi, “Onimakhwathi kaambiiwa mutthiyana omukusalleewoolla tti ootthelliwa.”

Genesis 13:13

Athu a m'muzindammo yaari oonanara ni oochimwesesa vamiitthoni va Apwiya.

Genesis 20:9

Sika Abimeleki aamwiithana Abrahamu amukoha wi, “Ethiyo oneerenlleeweella tti tini? Ethiyo kuuchimwenlle tini wi okittatthamullelle ddookatamiha mwawi ddiidda miyaano ni athu attheene a mu omwenaaka? Okeerelleewenndda khe ddaphaama.

Genesis 39:10

Naari mutthiyanoolle avirellelle ollota mawu amoddave yaalla ni Yosefe nllapo ni nllapo, Yosefe khaamwaapella maaru naari vang'ono nave khaakhullella weera ddoonanara ni mutthiyanooyo.

Eksodo 20:14

“Ohiraruwe.

Oollalleya 7:26

Kaaphwanya emodda yoovoreya okhwaranya okhwa. Ello yeeyo tti mutthiyana oyo ari wonanko musampha, murimaaye tti wonanko nthavi nave mattaaye tti wonanko onyolo. Muthu oomuhakallalliha Mulluku annamuthawa mutthiyanooyo koma oochimwa annaphariwa ni olliye.