Genesis 39:3 - Mawu a Mulluku

³ Nave apwinnyaayo yahoona wi Apwiya yaari ni Yosefe nave wi mitteko ddaye ddittheddene ddaanamweetella phaama.

Genesis 39:3 ပူးပေါင်းရင်းမြစ်များ

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Genesis 30:27

Labani aamulleella wi, “Kaakhullelle wi killote, ‘Miyaano vawoombesani koodduwella wi Apwiya aakidalisa ekaamba ya weyaano.

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

2 Epilli 26:5

Ahiivelleella wa Mulluku m'mallapo a Zekariya oyo amulangiza ddawaatitimiha Apwiya. Vawi aanaallapella Apwiya Mulluku, yaanamudalisa.

1 Samuele 18:14

Davide aanapambana va ddeko ddittheddene eereeye vawi Apwiya yaari ni olliye.

Genesis 21:22

Va enthawi yeeyo mwene Abimeleki ni Fikolo, muttekweene a akhotwaaye yaallota ni Abrahamu wi, “Mulluku ari ni weyaano mu ddeko ddittheddene oneereewe.

Genesis 26:28

Alliwaayo yaamwaakhulla wi, “Vano noodduwella wi Apwiya eri ni nyuwaano nave niganizalle wi nyuwaano ni hiyaano nikeraatthihe echipangano. Ninapaalla wi nyuwaano mulonjeze

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

1 Akorinto 16:2

Nirive Nllapo Namulungu arive muthu anyuwaano akuseke makobiri mamodda moollikana ni mmo muphwanyelleenyu nave musunge wi vihikhalle opaalleya ovelleella makobiri kaawaaka.

Zekariya 8:23

Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

Nehemiya 2:20

Vano kaawaakhulla wi, “Mulluku ooddullu aneeronikavihera wi ddeko ddineetelleke phaama nave hiyaano allupa muttekwaaye nineeromakattho koma nyuwaano khamunna embali apaalle odindo naarittho erive ello yawi ttuuwuupuwellanani mu Yerusalemu.”

1 Epilli 22:13

Vano wiiwellella malamulo ni malangizo mattheene Apwiya yamulamulalliiwa Mose wi aalleelle Aisraele oneeropambana. Llipa murima, ohoove navettho ohikhupanyeke.

1 Samuele 18:28

Koma Saulo adduwenlleeye wi Apwiya yaakhalla ni Davide navettho mwanaye Mikala aanamukonda Davidooyo,

Genesis 39:23

Nave aahiya ddittheddene m'mattani mwa Yosefe nave oowehera endendeeyo khaapwathattho erive ello kaambiiwa Apwiya yaari ni Yosefe nave yaanampambaniha va mitteko ddaye ddittheddene.

Genesis 30:30

Khalle mwaari ni eziweto ddooyeva koma vano ddohaata nave Apwiya ahuudalisani ekaamba ya miyaano. Sika vano kinaphwanella wi kipwathe nibanja naka.”

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Genesis 21:20

Mulluku aamuwehera mwaanooyo ophiyera unnuwalle. Ahunnuwella mu echipululu ya Parani ophiyera aakhalla mullupa muura.

Genesis 39:2

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

2 Mamwene 18:7

Sika ekaambiiwa Apwiya yaariiwa ni olliye nave orive wenko eeteeye, ddaanamweetella phaama. Hezekiya aamuwukila mwene a o Asiriya mwawi khaamurumeyellattho.

Genesis 21:23

Sika vano llupella vamiitthoni va Mulluku wi khokilleka miyaano apaalle anaaka apaallettho edduullu ddaka. Miyaano kookhalla oororomelleya vamiitthoni vawo nave weyaanottho olonjeze wi oneeroromelleya vamiitthoni vaka, mu ellapo eyo onakhalleewemo wonanko mulleto.”

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

1 Samuele 3:19

Apwiya yaakhalla ni Samuele enthawi ettheene unnuweeye. Vawi erive ello alloteeye yaaneereya.

1 Epilli 9:20

Nave Finehasi, mwaana a Eleazara, sika aahoollella. Apwiya yaari ni olliye.

2 Epilli 1:1

Solomoni mwaana a Davide aakeraatthiha omwenaaye nave Apwiya Mullukwaaye aari ni olliye nave aamunnuwiha wunchichi.