Genesis 39:14 - Mawu a Mulluku

¹⁴ aawiithana akaporo a mpammo, aalleella wi, “Ngoonani nndda! Mamunaka aawaana Muheberoolla mpammu wi aniphudde hiyaano. Olliye aakivollowella ochipindani waka nave aheeseesa wi akone ni miyaano koma miyaano kaakhuwa wi athu ekithamakelle.

Genesis 39:14 ပူးပေါင်းရင်းမြစ်များ

1 Petro 2:20

Ethiyo munaaphurevo tini mwavillella wuukuthiwa woophwanellella ekaamba yoochimwa? Koma mwavillella ohoosiwa mweerille ddaphaama, Mulluku aneeroweerellani echifundo ekaamba ya yeella.

Luka 23:2

Wenko yahaamba omuhumullulla wi oochimwa voollotani wi, “Naamphwanya aweerihaka athu a mutundwaahu wi ewukile nave aahiihaka okhoma musonkho wa Kaisara.* Nave aniiromolla yeekha wi tti Mesiya,* mwene.”

Mateyu 26:59

Nave allupa mukutho uullupalli ni attekweene a millatu attheene yahaashaasha omboni wawoottha woomuvaanyiha Yesu wi emwiiphe.

Mateyu 5:11

“Muri oodalisiwa athu yaawuunyaambusakani, yaawuuhoosakani nave yaawuullotellakani mwawoottha ddoonanara ddittheddene kaambiiwa nyuwaano tti oohudderaaka.

Yesaya 54:17

Koma kheyiivo echida yoohanelliwa weyaano enuuvoreye, attheene awuullotella ddoonanara oneerewaavaanya. Ella sika yoohallana ya oorumeyellaaka, miyaano sika kinaalungamiha.” Apwiya sika enallota.

Yesaya 51:7

Nyu oodduwella echilungamo, ngiiwani, nyu oosunga malamulwaaka m'murimani. Muhoove athu yaawuuhumullullakani, muhitathille murima yaawuunyaambusakani.

Miyambo 10:18

Anavittha wiitana tti a eyano yawoottha nave oollota miseche tti ookarangeya.

Masalimo 120:3

Nyu athu oolleka munaavahiwe tini? Ethiyo munaaweerelliwe tini?

Masalimo 55:3

Kinnakhupanya ekaamba ya okhuwa wa adanaaka, athu oonanara ennakinyingalela, ennakihoosa wunchichi moosha murima.

Masalimo 35:11

Amboni oonanara aakiwukila, ennakikoha ddeko nnddo kihinadduwelleemi.

Genesis 40:15

Miyaano kaarimiiyiwa nave yaakikusella wuno ovenyera o ellapo ya Aheberi. Sika naari weewuno, kheyiivo yoonanara keerilleemi yawi ttuukiwallellana mundendeni.”

Genesis 39:17

Vano aamulleella mwaha muttheenooyo wi, “Kaporoolle a Eheberi mwawiilleenyuna mpammoolle, aakivollowella ochipindani waka nave aheeseesa wi akone ni miyaano.

Genesis 39:7

Nave viviralle enthawi, mwaariwa a apwinnya ahaamba omupaalla Yosefe. Vano mutthiyanooyo aamulleella Yosefe wi, “Ngawa, okone ni miyaano.”

Genesis 14:13

Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni.

Genesis 10:21

Shemu sika aari nikhollo na anamwani attheene a Eberi navettho tti muullupallaaye a Yafeti. Olliyoolla aakhalla ni anamwani.

2 Akorinto 6:8

Ninnavahiwa olemu ni onyaambusiwa ninnallotelliwa epewe ni othokoziwa. Ninnooniwa wonanko awoottha naari nillotaka ddawoona.

Ezekiele 22:5

Ellapo ddawaatamella ni ddoorekamella ddineerekewuunyemulla, we eepilli yoonanara ni ooddivelliwa owana.’

Genesis 39:13

Vano mutthiyanoolle oonilleeye wi Yosefe oohiya mukanjwaaye nave oothawella vaatte,

Genesis 39:15

Sika iiwalleeye okhuwanko, aahiya mukanjwaaye m'mattani mwaka nave athawella vaatte.”