Genesis 38:5 - Mawu a Mulluku

⁵ Aamuyarattho mwaana aamullopwana mmodda nave aamwinnya nnddina nawi Shela. Shela ayariweeye, Yuda aari akelle o Kezibu.

Genesis 38:5 ပူးပေါင်းရင်းမြစ်များ

Numeri 26:20

Anamwani aallopwana a Yuda amodda moollikana ni mabanjiiwa yaari Shela nikhollo na Ashela, Perezi nikhollo na Aperezi ni Zera nikhollo na Azera.

1 Epilli 4:21

Shela, mwaana a Yuda, aamuyara Eri, attiitthinnya a Leka, Laada, awaambiha a Maresha ni a mabanja a athu awoopa ekuwo ddabafuta a o Betashebea.

Genesis 46:12

Anamwani a Yuda yaari Ere, Onani, Shela, Perezi ni Zera (koma Ere ni Onani yakhwille eri o Kanani.) Anamwani a Perezi yaari Hezironi ni Hamuli.

Genesis 38:26

Yuda aaddidduwella ddekonnddo nave aallota wi, “Mutthiyanoolla khachimwalle ello koma kichimwalle tti miyaano. Keerihalle tti miyaano voohimuvelleellani wa mwanaka Shela wi amutthelle.” Sika Yuda khaakonillenattho mutthiyanooyo.

Genesis 38:11

Vaavo Yuda aamulleella mvokohaaye Tamara wi, “Hokollweellani wa attiitthiinyu, mwakhalle naamukhwelle wenko ophiyera mwanaka Shela unnuwalle.” Allotille ddenndda kaambiiwa oova wi Shela ttuukhwattho wonanko asinnaalle. Sika Tamara aahokollweella wa attiitthinnya.

Genesis 38:6

Yuda aamwaashera mutthiyana mwanaye awaamboolle Ere, nnddina naye Tamara.

Numeri 26:19

Anamwani aallopwana a Yuda yaari Ere ni Onani nave yakhwenlle mu Kanani.

1 Epilli 2:3

Yuda aamuyara Eri, Onani ni Shela. Anamwani ararwaalla aayarille mwa Batishuwa mutthiyana a o Kanani. Nave Eri aari a makhallello oonanara, sika Apwiya yaamwiipha.