Genesis 38:26 - Mawu a Mulluku

²⁶ Yuda aaddidduwella ddekonnddo nave aallota wi, “Mutthiyanoolla khachimwalle ello koma kichimwalle tti miyaano. Keerihalle tti miyaano voohimuvelleellani wa mwanaka Shela wi amutthelle.” Sika Yuda khaakonillenattho mutthiyanooyo.

Genesis 38:26 ပူးပေါင်းရင်းမြစ်များ

1 Samuele 24:17

Aamulleella Davide wi, “We tti oolungama okikhwaranya miyaano. Vawi wookeerella ddaphaama miyaano kiweerellaka ddoonanara.

Yohane 8:9

Nave yiiwalliiwa nndda yaavenyavo mmoddammodda waambeella ni attekweene. Yesu ahaanllevo yeekhaaye nave mutthiyanoolle iimenlle vaavo.

Aroma 13:12

Mahiiyu ehanlle vang'ono omalla nave ohinase wohaatamella. Sika hankoni nihiye mitteko dda mwiipiphini nave niware ddoowanella ekhoto dda mu owala.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Mateyu 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama.

Habakuku 1:13

Nyu a miittho aweella, oohittumera ello yoonanara apaalle yookatamiha. Munamuttumerella tini muthu oolleka? Muneerella tini ellapo tuu oonanara yaamumiryaka oolungama wamukhwaranya alliwa?

Ezekiele 16:52

Vano weyaano woonihe owulliwe muru nave ovevuwe. Ochimwa wawo tti woonanara wunchichi waakhwaranya asinno wawi alliwa ahooneya Vano weyaano woonihe owulliwe muru nave ovevuwe. Vano we wooneyille wonanko oohichimwa, owulliwe muru nave ovevuwe.”

Yobu 40:5

Koollota omodda, ngaakhullattho. Koollota opiilli, ngoonjererattho.”

Yobu 4:5

Koma vawi ddohuukatamiha wootathilla murima, dduumorelleewe, woova wohuuphara.

2 Samuele 24:17

Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

2 Samuele 20:3

Davide aphiyalle o enyumbaaye o Yerusalemu ahaakusa awariye ang'onong'ono ayo aahiyalleeye wi ewehereke enyumbaaye aawallella mpa mmo amuhiyalleeyemo mulonda. Aanaavaha yoocha koma Davide khaakonana awariyaayo. Ahaawallella mpa ophiyera nllapo yakhwilliiwa nave yakhalla wonanko anaamukhwelle

2 Samuele 16:22

Sika yammakella Abishalomu musasa vaddullu va enyumba yaattiitthinnya, Nave Abishalomu aaya akonana ni awariye ang'onong'ono a attiitthinnya, Aisraele attheene yoonaka.

Genesis 38:14

Vano Tamarooyo aarulla ddoowara ddaye dda onaamukhwellenndde awara ddimodda. Ahiipitthiha ekhovaaye ni ekuwo, aya akeraatthi va ettilla yoovollowella o Enaimu. Muzi wa Enaimu waari mukhwipi mwa musewu wooyeella o Timna. Tamara aadduwella wi Shela aari unnuwalle koma Yuda aari ahinamuvelleelle wi amutthelle olliye.

Genesis 37:33

Yakobo aawudduwella mukanjooyo nave aallota wi, “Ee, ddawoona tti mukanjo wa mwanaka! Enama yawoopiha yoomwiipha mwanaka. Kookhwa miyaano, Yosefe oottakhuniwa!”

Genesis 4:1

Adamu aakona ni mwaariye Heva nave mutthiyanooyo aakusa erukullu. Sika aamuyara mwaana aamullopwana nave aallota wi, “Koomwaakhella mwaana mookaviheriwa ni Apwiya.” Sika mwaanooyo yaamuvaha nnddina nawi Kaini.

1 Samuele 24:18

Ollello wookoonihella ophaamaawo ottheene voohikiiphani naari Apwiya yakivelleelle m'mattani mwawo.