Genesis 38:24 - Mawu a Mulluku

²⁴ Viviralle miyeri miraru, muthu mmodda aamulleella Yuda wi, “Mvokohaanyoolla Tamara oheera wonanko hule nave ookusa erukullu yavahakani.” Nave Yuda aalamula wi, “Khaweni mwamuphare nave mwamoose viikho wi akhwe.”

Genesis 38:24 ပူးပေါင်းရင်းမြစ်များ

Levitiko 21:9

Nave mwaana aamutthiyana a mullupa mukutho iiripiha vookhallani ooraruwa, annaaripiha attiitthinnya. Vano mwaanooyo emushellellihe.

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’

Ezekiele 23:44

Yaanaya wa alliwa wonanko mmo athu enayeelliiwa wa mutthiyana ooraruwa, sika wi tti mmo yayeelliiwa wa Ohola ni Oholiba yararuwakana.

Ezekiele 23:19

Nave aanararuwa moohihiyerera uupuwellaka ddooraruwa nnddo eereeye ari hule o Iguputo mvo aariiye namwalli.

Ezekiele 23:5

Ohola aanararuwave naari aari ni miyaano. Aanawanddeellella ezibwenzi ddaye dda o Asiriya.

Oweeruza 19:2

Koma nllapo nimodda mwaariye mung'onong'onoolle aananariwa ekaamba ya mamunoolle nave aathawa ahokollweella waattiitthinnya o Betelehemu ellapo ya Yuda. Aakhalla wenko miyeri misese.

Aroma 14:22

Okhulupilila wanyu va ddeko ddenndda okhalle variyari va nyuwaano ni Mulluku. Oodalisiwa tti muthu oyo ahiniivaanyiha yeekhaaye weera ello anaganizeeye wi tti yaphaama.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Hoseya 3:3

Kaamulleella mutthiyanooyo wi, “Okhalleke ni miyaano mallapo manchichi, ohinakonaka apaalle oraruwa ni muthu mmodda. Miyaanottho kineereweera emoddamoddave yeeyo.”

Ezekiele 16:41

Eneerohella munllo enyumba ddawo nave eneerewuullaka vaweella atthiyana anchichi yoonaka. Oraruwa wawo onaamallelle vaavo nave khowa waallivellattho awuukondaawo.

Ezekiele 16:28

Ekaamba ya minkhella ddawo waararuwattho ni Asiriya komattho khewaakholliwe.

Ezekiele 16:15

“Koma wahiitukhullana oreera ni ovuwa wawo nave wahaamba oraruwa onakona ni arive muthu oovira.

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Yeremiya 3:6

Va enthawi ya mwene wa Yosiya, Apwiya yaakilleella wi, “Ethiyo wohoona nnddo eerille Israele oohiroromelleya? Oowella orive mwaango ni vatthi va orive muteekho woovattha nave ooraruwa.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Oollalleya 7:26

Kaaphwanya emodda yoovoreya okhwaranya okhwa. Ello yeeyo tti mutthiyana oyo ari wonanko musampha, murimaaye tti wonanko nthavi nave mattaaye tti wonanko onyolo. Muthu oomuhakallalliha Mulluku annamuthawa mutthiyanooyo koma oochimwa annaphariwa ni olliye.

2 Samuele 12:7

Natani aallota wa Davide wi, “Muthooyothi tti nyuwaano. Apwiya Mulluku a Israele, enallota wi, ‘Miyaano kahuuzoza wi okhalle mwene a Aisraele nave kahuuvullusa m'mattani mwa Saulo.

2 Samuele 12:5

Iiwalle dda muthooyo Davide aasha murima wunchichi. Aamulleella Natani wi, “Kinimallupella vamiitthoni va Apwiya muthu oyo eerille ddenndda anaphwanella iiphiwe.

Deuteronomo 24:16

“Makhollo ehiiphiweke ekaamba ya aniiwa, emoddamoddave anamwani ehiiphiweke ekaamba ya makhollwiiwa koma arive muthu iiphiweke ekaamba ya nichimo naaye.

Levitiko 20:10

“Muthu araruwa ni mwaara amwaneena, mullopwanooyo ni mutthiyanooyo attheene yiiphiwe.

Genesis 34:31

Koma alliwa yahaakhulla wi, “Hiyaano khanaakhullella wi Shekemu amutthattuse hule murokorihu.”

Genesis 20:9

Sika Abimeleki aamwiithana Abrahamu amukoha wi, “Ethiyo oneerenlleeweella tti tini? Ethiyo kuuchimwenlle tini wi okittatthamullelle ddookatamiha mwawi ddiidda miyaano ni athu attheene a mu omwenaaka? Okeerelleewenndda khe ddaphaama.

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Genesis 20:3

Vano mahiiyu mamodda Mulluku aamooneyella mwenooyo moolloha ni ollota wi, “Onimakhwathi kaambiiwa mutthiyana omukusalleewoolla tti ootthelliwa.”

Genesis 38:23

Yuda aallota wi, “Ddeko nnddo akuse ddikhalle ddaaye, woova wi athu enaanittheyeke. Naari ohimuphwannye mutthiyanooyo komave miyaano kaamurumihella mwanapuroolla.”

Ezekiele 16:25

Waamaka va orive musewu. Vano waananariha oreera wawo vawiivelleellani wa arive muthu oovira. Wookhalla oraruwaka mooheerengeya.

Ezekiele 16:26

Waararuwa ni Aiguputo ooraruwa, awaatamana ni weyaano nave waakishiha murima ekaamba ya waata wa oraruwa wawo.