Genesis 37:4 - Mawu a Mulluku

⁴ Asinne yoonilliiwa wi Yakobo aanamukonda Yosefe okhwaranya alliwaayo yahaamba omwiita Yosefooyo nave kheyaallotana moohakallalla.

Genesis 37:4 ပူးပေါင်းရင်းမြစ်များ

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

1 Yohane 2:11

Koma ayo enawiita asinniwa ni arokoriwa eri mwiipiphini. Eneeta mwemmo nave khenadduwella nko enayeewawo kaambiiwa epipheeyo yooripiha miitthwiiwa.

Masalimo 69:4

Athu ookiita voohikhalla ekaamba tti awaata okhwaranya meehi a m'muruni mwaka. Athu oopaalla okoononga tti amasiva, okinanariha ni ddawoottha ddiwa. Ethiyo kihokollose nnddo kihiiyalleemi?

1 Samuele 17:28

Eliyabu, mwanamunne muullupalli a Davide, amwiiwalleeye Davide allotaka ni akhotwaayo aamushella murima allota wi, “Waweella tini wuno? Ethiyo enkhosa vang'ononndde ddihanlle ni aani ochipululuni wulle? Kinnadduwella wi weyaano tti awiitukhulla ni oonanara murima vawi waweella woona ekhotweella!”

Genesis 37:5

Nllapo nimodda Yosefe aalloha nave ahaatthopoollella asinne ollohanko. Nndda ddaheeriha wi emwiite wunchichi okhwaranya khalle.

Genesis 4:5

Koma Apwiya kheyaahakallallille ni Kaini ni mukuthwaaye. Ekaamba ya yeella Kaini aasha murima wunchichi, mwawi ekhovaaye yaamora navettho yaawa mahinyare.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Masalimo 38:19

Adanaaka tti akumi ni amasiva, tti anchichi ayo enakiita vihiri ekaamba.

Genesis 49:23

Adanaaye yaallipanana mweekuku, nave yaamwiikariha ni miira ddiwa.

Genesis 37:11

Sika asinnaalle yaamukhallella ehache wunchichi koma attiitthinnya yaakhalla eganizeraka ddenndda.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

Yeremiya 12:6

Naari abalaawo ni a munibanjani mwawo alliwattho ennuulleka, attheenaayo enniiwanana va owiipa mullatu, ohaakhulupilile naari elloteve mawu ooddiva.”

Mariko 3:25

Navettho nibanja nakawaneya va weekhiiwa ni owana, khanillekella omalla.