Genesis 37:35 - Mawu a Mulluku

³⁵ Anaaye attheene aallopwana ni aatthiyana yaawa wi emukhurumuse murima koma olliye aakhoota ni wi, “Kinaakhalle kinllaka maliro a mwanaka ophiyera kivollowille mu mahame mmo muri olliyooyo.” Sika aavirellella winlla ekaamba ya Yosefe mwanaye.

Genesis 37:35 ပူးပေါင်းရင်းမြစ်များ

Yobu 2:11

Vano akhwaaye araru a Yobu, Elifazi Mutemani, Bilidadi Mushuki ni Zofari Munaama, yiiwalliiwa dda ddoohoosannddo ddammorenlle, yaawa mwawiiwanana wi emupepese ni omukhurumusa murima.

2 Samuele 12:17

Attekweene a onyumbani waye yahiimella mukhwipi wi emuvenyihe. Koma olliye aakhoota ovenya nave athwaayo khaachillena yoocha.

Genesis 42:38

Koma Yakobo aallota wi, “Mwanakoolla khathaanana ni nyuwaano iyaayi, valle mwanamunne aakhwa nave ahanlle yeekha. Apaalle ttuukumana ni otulli nave miyaano kuulluvallelleemimmu ethakaraka sika ddinaakiiphe.”

Yeremiya 31:15

Apwiya enallota wi, “Okhuwa onniiweya o Rama, wa ekutho ni winlla wunchichi. Rakele anawinllella anaaye, animakhoota okhurumusiwa murima, kaambiiwa anaaye aakhwa.”

Masalimo 77:2

Va nllapo na ddookatamiha kinnawaashaasha Apwiya, mahiiyu mattheene kinnawelliha mattaaka voovekellani, murimaaka onnakhoota okhurumusiwa.

Genesis 45:28

Sika aallota wi, “Ddawoona, mwanaka Yosefe ookhallawo. Kineeroyaawo kamoone kihinakhwe.”

Genesis 42:31

Hiyaano naamulleella muthooyo wi, ‘Attheenehi tti anamwani a muthu mmodda. Khanihiyo oozonda iyaayi, apwiya koma niri athu oororomelleya ddawoona,.

Genesis 31:43

Labani aamwaakhulla Yakobo wi, “Anamwani aatthiyanaalla tti aaka, aniiwaalla tti aakattho ni eziweto ddittheddenenndda. Koma ethiyo vano kineere tini wa anaaka aatthiyanaalla ni edduullu ddakanndda?

Genesis 25:8

Nave akhwille mwamurendelle navettho uulluvallille wunchichi.

Genesis 35:29

Nave aakhwa avitthiwa mu mahame uulluvallille wunchichi. Anaaye, Esau ni Yakobo sika yamuvitthalle mu mahame.

2 Samuele 12:23

Koma vano mwaanooyo ookhwa. Yoohalleella ocha ttiivi? Ethiyo ttuuwora omuhokollosella okumi? Miyaano kineeroyaawo nko ayiilleeyewo koma olliye khawa ahokollweella wa miyaano.”

Oollalleya 9:10

Erive ello munaaweerekeenyu ni masivaawo mattheene. Vallethi onipuroni na ookhwa onayeewenko khori mutteko, oganiza, ezeru apaalle odduwella.

Genesis 48:11

Yakobo aallota ni Yosefe wi, “Ngaaganizera wi ttuuwoonattho weyaano koma vano Mulluku ohaakhullella wi kiwoone vamoddattho ni anaaweene.”

2 Samuele 19:1

Athu amodda yaamulleella Yowabu wi, “Amwene enamwinllella Abishalomu.”

1 Epilli 7:22

Sika Efuremu, attiitthiiwa ahinlla maliro mallapo manchichi nave abalaaye yaawa emukhurumusa murima.

Masalimo 77:3

Kaawuupuwellaka dda Mulluku, kinniipullella m'murimani. Kaaganizellaka dda olliye, kinnatathilla murima.