Genesis 37:34 - Mawu a Mulluku

³⁴ Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

Genesis 37:34 ပူးပေါင်းရင်းမြစ်များ

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

2 Samuele 3:31

Vano Davide aamulleella Yowabu ni athu attheene aariiyena wi, “Ahullani ddoowara ddanyu nave muware eziguduli wi mumwinllelleke Abinere.” Nave Davide aanaathwara vatulli ootukhulla mutembwaayo.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Mitteko 14:14

Paulo ni Baranaba yiiwalliiwa yapaalliiwa weerannddo, yahaahulla ddoowara ddiwa, ethamakella variyari va mullokooyo, ekhuwa wi,

Mateyu 26:65

Vano mullupa mukutho muullupalli ahaahulla mukanjwaaye allota wi, “Anamullotella epewe Mulluku. Ninaapaallellatittho amboni amodda? Mohiiwa vano epeweeyo?

Mateyu 11:21

“Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara o Tiro ni o Sidoni, yaaweerorukunuwa murima khalle. Yaaweerowara eziguduli ni wiihella ntuura wooniha wi yoorukunuwa murima!

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

Yeremiya 36:24

Komave naari mwene apaalle mmodda a enduna ddaye yiiwalle mawaalla, khaavo ooville apaalle waahulla ddoowara ddaye.

Yesaya 36:22

Vano Eliyakimu mwaana a Hilikiya muullupalli oowehera enyumba yoomwene, Shebina namalembella ni Yowa mwaana a Asafu ookavihera, yahaahulla ddoowara ddiwa mweethakaraka nave yaaya wa mwene Hezekiya yamulleella ddallotille enduna ya a o Asiriya.

Yesaya 32:11

Nyu oohikhupanya erive ello, tthukumellani! Nyu atthiyana a vamurendelleni, halleellani! Rullani ddoowara ddanyu nave makellani eziguduli.

Masalimo 69:11

Kawanreemi echiguduli wooniha winlla, kaatthattuwa yowaattheyiha.

Yobu 2:12

Voomoonellani voorekama Yobu kheyaamudduwenlle, sika yahoopa ekutho. Yahaahulla mikanjo ddiwa, yiihella nthupi omuruni.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

Nehemiya 9:1

Vano va nllapo na 24 na mweeri yoolla, Aisraele attheene yaatthukumana wi ehalle ocha, ewanre mathumba ni wiihella nthupi m'muruni. Nave Aisraele yahiipatula variyari va alleto attheene nave enawulula machimwiiwa ni ddoonanara dda makhollwiiwa.

1 Epilli 21:16

Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

2 Mamwene 19:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

1 Mamwene 20:31

Nave oorumeyellaaye yaamulleella wi, “Ngoonani vano, nohiiwa wi mamwene a o Aisraele tti eethakaraka. Hankoni niware eziguduli muyuununi ni waapheelliha mikwe munikohini wooniha ogonja, niye wa mwene a o Israele apaalle khawiiphani.”

2 Samuele 1:11

Enthawi yeeyo Davide aaphara ddoowara ddaye aahulla. Nave athu ayo yaari ni Davide yaheera emoddamoddave yeeyo.

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Genesis 42:38

Koma Yakobo aallota wi, “Mwanakoolla khathaanana ni nyuwaano iyaayi, valle mwanamunne aakhwa nave ahanlle yeekha. Apaalle ttuukumana ni otulli nave miyaano kuulluvallelleemimmu ethakaraka sika ddinaakiiphe.”

Genesis 44:13

Ekaamba ya ethakaraka, attheenaayo yahaahulla ddoowara ddiwa. Yaamumakellellattho katundwiiwoolle va abulu nave ehokollweella omuzindani wulle.

2 Mamwene 2:12

Elisha ahoona ddenndda akhuwa wi, “Attiitthaaka, attiitthaaka! Nigareta na Israele ni athwiiwa oowella va akavalo!” Nave khaamoonillettho Eliya. Vano Elisha aaphara ddoowara ddaye addaahulla veelli.

2 Mamwene 22:11

Mwene iiwalle mawu a mu nibukhu na malamulo, ahaahulla ddoowara ddaye mweethakaraka.

1 Epilli 7:22

Sika Efuremu, attiitthiiwa ahinlla maliro mallapo manchichi nave abalaaye yaawa emukhurumusa murima.

Yobu 16:15

Kohiisowella echiguduli vamwiillini vaka, kihiyalle masivaaka munthupini.

Yeremiya 48:37

Muru wa arive muthu woochemiwa mpala, ereru ddiwattho ddoochemiwa, matta mattheene tti oochekeyachekeya nave muyuununi mwiwa ewanre eziguduli.

Oweeruza 11:35

Yefita amoonille mwanaye, ahaahulla ddoowara ddaye allota wi, “Moowe kookhwa, we mwanaka, wookiphadda mutthoma nave wookiwiihella ddoohoosa dduullupalli vawi kaallupella wa Apwiya ni vayanoni vaka nave ngiwora wiinyipulla nnddo kallupenlleemi.”