Genesis 35:7 - Mawu a Mulluku

⁷ Aamaka nikuwa wenko nave nipuronna yaaniromolla Betele, ekaamba yawi wenko sika Mulluku adduupullullalleeye wa Yakobo enthawi amuthaweeye mwanamunne.

Genesis 35:7 ပူးပေါင်းရင်းမြစ်များ

Genesis 35:3

Nineerotthaamawo wuno nave nineeroya o Betele nko kineereemi kamake nikuwa na Mulluku oyo akikaviherille va enthawi ya ddookatamiha ddaka. Vawi olliye sika akhanlle akiweheraka orive weko kayeemiwo.”

Genesis 35:1

Vano Mulluku aamulleella Yakobo wi, “Timulla, oye o Betele, wakhalle wenko. Wamakewo nikuwa na Mulluku oyo awooneyelle enthawi wamuthaweewe mwanamunno Esau.”

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Ezekiele 48:35

Sika waapheella muzinda muttheenooyo onaakhalle mamita 9,000 nave nnddina na muzindooyo wa enthawi yoohimalla ninaakhalle Apwiya eri vaava.”

Oweeruza 6:24

Vano Gideoni ahaamakella Apwiya nikuwa vanipuroni vaavo nave aavaha nnddina nawi, “Apwiya tti murendelle.” Ophiyera ollello nikuwanno nookhallawo o Ofura, muzinda wa athu a nlloko na Abiyezere.

Eksodo 17:15

Nave Mose aamaka nikuwa aanivaha nnddina nawi, “Apwiya sika embenderaaka.”

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Genesis 28:19

Sika aaniromolla nipuronno Betele koma vawaamba naromolliwa Luzi.

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 12:8

Vatulli viwa aasusella o miyaango dda wookhuma nndduwa wa Betele nave aatthipella musasaaye variyari va Betele woovollowa nndduwa ni Ai wookhuma nndduwa. Wenkottho aamakawo nikuwa nave ahaallapella Apwiya.

Genesis 28:10

Yakobo aatimulla olendo ovenyera o Beeresheba, oya o Harani.

Genesis 28:17

Ahoova nave aallota wi, “Hii, nipuronna tti noottikhiniha! Vaava tti enyumba ya Mulluku navettho tti mullako wooddullu.”

Genesis 29:1

Vano Yakobo aavirellella ni olendwaaye wooya o ellapo ya athu a wookhuma nndduwa.

Genesis 31:13

Mi tti Mulluku awooneyelle o Betele wulle wiimesilleewe nlluku na yawuupuwella nave waanizoza ni makhura navettho wenko waallupella. Okhozeke vano, ovenyewo wuno, ohokollweelle o ellapo yoowaninyu.’ ”

Genesis 35:15

Yakobo aaniromolla nipuronno Betele.