Genesis 35:11 - Mawu a Mulluku

¹¹ Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 35:11 ပူးပေါင်းရင်းမြစ်များ

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Genesis 9:1

Mulluku aamudalisa Nowa ni anaayeene voollotani wi, “Muyarane wi mwaate nave muddalle va ellapo yavatthi.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

Eksodo 6:3

Kahooneyella wa Abrahamu, wa Isaki ni wa Yakobo wonanko Mulluku Amasiva Mattheene koma ngaawaalleelle nnddina naka wi tti Apwiya.

Genesis 17:16

Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”

Genesis 15:5

Enthawi yeeyo Apwiya yaamukhumiha Abramu vaatte, emulleella wi, “Ngoona oddullunngu nave waaworaka weerenge etheneerinnddo, erenga. Weyaano oneerokhalla ni edduullu ddinchichi wonanko etheneerinnddo.”

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Eksodo 1:7

Koma Aisraele, edduullu ddiwa, yahaayara anamwani anchichi. Yaaruuwa, yahaata ekhalla amasiva manchichi nave eddalla ellapweeyo.

Genesis 43:14

Mulluku Amasiva Mattheene aweerelleni echifundo vamiitthoni va muthooyo wi amuhokollose mwanamunninyu mmoddoolle ni Benjamini. Wa miyaano, khaya kaatathilla anamwani attheene, kaatathille.”

Genesis 32:12

Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ”

Genesis 28:14

Edduullu ddawonnddo ddineerewaata wonanko nthupi na va ellapo yavatthi. Ddineeropallalleyella o ezigawo ddittheddene, woovollowa nndduwa, wookhuma nndduwa, ompoto ni omwera. Nave mitundu ddittheddene dda va ellapo yavatthi ddineerodalisiwa oyeella mwa weyaano ni edduullu ddawo.

Genesis 18:18

Edduullu ddaye ddinaakhalle mutundu muullupalli wa masiva. Nave mitundu ddittheddene dda va ellapo yavatthi ddineerodalisiwa oyeella mwa olliye.

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Genesis 9:7

Vano Mulluku aamudalisa Nowa wi, “Muyarane wi mwaate nave muddalle va ellapo yavatthi.”

Genesis 17:4

“Ella tti echipangano kineereemi ni weyaano. Kinimalonjeza wi onaakhalle nikhollo na mitundu ddinchichi.

Genesis 36:31

Aisraele ehinakhalle ni mwene, mamwene yalamulella mu ellapo ya Edomu tti

Genesis 47:27

Aisraele yaakeraattheya o Iguputo nave yaakhalla ni eyuuma yinchichi navettho yahaayara anamwani anchichi.

Levitiko 26:42

Kineerewuupuwella echipanganwaaka ni Yakobo, Isaki ni Abrahamu nave ellapweeyo kineeroyuupuwella.

1 Epilli 16:17

nno yanisimikizalliiwa wa Yakobo wi ekhalle echipangano yoohimalla wa Israele wa enthawi yoohimalla.

Eksodo 2:24

Mulluku ahiiwa okhuwa wiwanko nave ahuupuwella echipanganwaaye apanganilleeye ni Abrahamu, Isaki ni Yakobo.

1 Epilli 16:16

echipangano yakeraatthihalliiwa ni Abrahamu, lonjezo yallupenlliiwa wa Isaki,

1 Epilli 16:18

Yaallota wi, “Kineerewuuvaha ellapo ya Kanani, wi ekhalle yoohallanaawo.”