Genesis 34:19 - Mawu a Mulluku

¹⁹ Nave Shekemu ahaakuva weera ddapaalleyannddo, ekaamba yawi aamukonda wunchichi mwaana a Yakobo. Vano Shekemu aanavahiwa olemu wunchichi munibanjani noowaniwanno.

Genesis 34:19 ပူးပေါင်းရင်းမြစ်များ

1 Epilli 4:9

Vaakhalla muthu mmodda nnddina naye Yabezi oyo athu yamuvahiiwa olemu okhwaranya asinne. Amennya yaamuvaha nnddina na Yabezi kaambiiwa yaallota wi, “Kaamuyanre moovoreya wunchichi.”

Mitteko 17:12

Anchichi a yaayo yaakhulupilila nave allopwana ni atthiyana a Egriki ooriiheya anchichi yaakhulupililattho.

Mitteko 13:50

Nave Ayuda yaaweeriha atthiyana oovuwa ni allopwana oolamulella ayo yahiri Ayuda koma oomullapella Mulluku wi yaambihe waahoosa Paulo ni Baranaba nave owiikarihawo o echigawonko.

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Yesaya 5:13

Sika athwaaka eneerophariwa okaporo ekaamba yoohiiwesesa ddeko. Oohoollelliiwa oovahiwa olemu eneerokhwa ni ettalla nave athu shisha anchichi eneerokhwa ni nthona.

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

2 Mamwene 5:1

Naamani aari akhoto muullupalli a mulloko wa mwene a o Siriya. Olliye aari muthu oororomelleya wunchichi ni ookondiwa ni apwinnya ekaamba yawi akhotwaaye yaanaagonjiha akhwiiwa vawi Apwiya yaanamuhoollella. Naamani aari muthu amasiva ni oollipa murima koma aari amakate.

1 Samuele 22:14

Koma Ahimeleki aamwaakhulla mwene wi, “Apwiya, ttaani mwa oohoollella ekhoto attheene oyo ari oororomelleya wonanko Davide? Olliyoolle tti mukamwenaanyu, oohoollella akhoto awuutetezani navettho muthu ooriiheya mwa athu attheene eri mu enyumbaanyu.

Numeri 22:15

Koma Balaki ahaarumattho oohoollella amodda awaata ni ooriiheya okhwaranya awaamba.

Genesis 41:20

Vano eng'ombe ddoofookannddo ddaamirya ddaphaamannddo.

Genesis 29:20

Sika Yakobo aaphara mutteko miyakha mitthanu ni miilli wi amutthelle Rakele nave enthawi yeeyo yooneyille wonanko mallapo ooyeva, ekaamba yawi aamukonda wunchichi mutthiyanooyo.

Genesis 34:18

Mawaalla yaamuddivella wunchichi Hamori ni mwanaye Shekemu.

Genesis 34:20

Vano Hamori ni mwanaye Shekemu yahiithaniha mutthukumano va mullako woovollowella m'muzindaniiwa, enallota ni athu a m'muzindanimmo wi,