Genesis 33:8 - Mawu a Mulluku

⁸ Esau aallota wi, “Ethiyo mulloko wa eziweto kikumanilleeminoolla tti waanyu?” Yakobo ahaakhulla wi, “Apwiyaaka, mullokoolle tti waanyu wi nyuwaano mukeerelle echifundo.”

Genesis 33:8 ပူးပေါင်းရင်းမြစ်များ

Genesis 32:5

Kookhallana ni eng'ombe, abulu, enkhosa ni epuri navettho akaporo aatthiyana ni aallopwana. Kinarumiha mawaalla wa nyuwaano apwiyaaka wi mukeerelle echifundo vookoonani miyaano.”

Estere 2:17

Mwene aamukonda Estere okhwaranya atthiyana attheene. Nave aamuhakallalliha mwene waakhwaranya anamwalli attheene. Sika mwene ammaka enduwira yoomwene, amutthattusa mwaaramwene ovollowa munipuroni na Vasiti.

Genesis 39:5

Ovenyera enthawi eyo Yosefe aambilleeye owehera ddittheddene dda mpa mwa Potifarooyo, Apwiya yaadalisa ddittheddene dda mpa mwa Muiguputooyo vamoddattho ni dda omata ddaye ekaamba ya Yosefe.

Genesis 33:7

Aawattho Leya ni anaaye nave oomallihella aari Rakele ni Yosefe. Attheenaayo yaakokhora vatthi.

Genesis 32:6

Amithengaayo ehokollweelle wa Yakobo, yaallota wi, “Naaya wa mwanamunninyu Esau nave animawa wi akumane ni nyuwaano ari ni athu 400.”