Genesis 33:14 - Mawu a Mulluku

¹⁴ Kinimuuvekani apwiya wi muhoolle vang'ono, miyaano kineeteke vang'ono vang'ono mutulli mwa eziweto ni anaaka ophiyera kuuphwanyilleeni o Seiri.”

Genesis 33:14 ပူးပေါင်းရင်းမြစ်များ

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Genesis 32:3

Vano Yakobo ahaarumiha amithengaaye wa Esau mwanamunne o Seiri, o ellapo ya Edomu.

Aroma 15:1

Hiyaano niri ni echikhulupililo yoollipa ninaphwanella wi naakhurumuwelle oofooka mu echikhulupililo nave woohikhalla wiihakallalliha weekhiihu.

Mariko 4:33

Yesu aanallalleya othengaaye wa athu m'maphwanaphwanihoni manchichi wonanko yaalla. Aanaahuddiha mwawi ddiidda moollikana ni wiiwesesa wiwa.

Ezekiele 25:8

“Mi Apwiya Mulluku kinallota wi, ‘Ekaamba yawi Mowabu aallota wi Yuda ari wonanko athu a mitundu ddittheddene,

2 Epilli 20:10

Vano ngoonani, athu a o Amoni, Mowabu ni mwaango wa Seiri ayo mwahiwaakhullelleenyu Aisraele wi yawanena ekhoto ekhumalle o Iguputo nave yahaahiya ehiwoononga.

Oweeruza 5:4

“Nyu Apwiya, mwakhumenyu mu Seiri, mweeteenyu ovenyera o Edomu, ellapo yavatthi ettheene yaatthukumella, oddullu waattotthowa, mirapo ddaandonya maaddi.

Deuteronomo 2:1

“Vano naahokollowa oya o echipululu oyeella mukhwipi mwa Enyanja Yoofiira moollikana ni mmo Apwiya yalamulelliiwa. Nave mallapo manchichi naakhalla naapheellaka miyaango dda Seiri.

1 Akorinto 3:2

Kahuuwiryihani mukaka, ohiri wuuchihani ddoollipa kaambiiwa khamwaaworille ocha. Nave naari vano khamuwora ocha,

Genesis 33:13

Yakobo ahaakhulla wi, “Apwiyaaka, munnadduwella wi anamwanaalla aatopa nave kinaphwanellattho oddipwatha eziweto ddiri ni anamwaninndda. Kaddittottha mwawaakuva wunchichi naari nllapo nimoddave, ddineerokhwa.

Genesis 32:4

Ahaalangiza wi yamulleelle wi, “Miyaano Yakobo oorumeyellaanyu kakhalla wonanko mulleto wa apwiyaaka Labani nave kookhallawo enthawi yoorekama ophiyera ollello.