Genesis 33:11 - Mawu a Mulluku

¹¹ Kinimuuvekani wi mwaakhelle emphaso kuukusellemineella. Mulluku aakeerella echifundo nave aakivaha ddoopaalleya ddaka ddittheddene.” Yakobo aavirellella omuwatihera, ophiyera Esau ahaakhella.

Genesis 33:11 ပူးပေါင်းရင်းမြစ်များ

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

1 Samuele 25:27

Pepaani apwiya, akhellani emphaso nnddo miyaano kaporwaanyu kiwiilleemina wa nyuwaano wi mwaakawelle athu murinyunaalla.

2 Mamwene 5:23

Vaavo Naamani aallota wi, “Kusa naari makobiri 6,000 asiliva.” Sika aamuwatihera, ahella m'mathumbani vamodda ni ddoowara ddoosintha piilli aareya oorumeyellaaye eelli. Nave yaahoolla etukhullalle, Gehazi anaathwara mutulli.

Genesis 33:9

Koma Esau aallota wi, “Mwanamunnaka, eziweto dda mutundu olla kookhallana ddinchichi. Sika oriiwenanndda ddikhalle ddaawo.”

Genesis 30:43

Mwa ettilla yeella Yakobo aakhalla ni eyuuma yinchichi. Aakhalla ni eziweto ddinchichi, akaporo aallopwana ni aatthiyana, ekamira* ni abulu.

1 Timoteo 4:8

Waddollweella weera mattheella oollipiha mwiilli wookhalla ni oreera wa vang'ono koma waddollweella weera ddoomutitimiha Mulluku wookhalla ni oreera mu ddittheddene kaambiiwa onnalonjeza okumi wa ollello ni wa muhoollo.

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

1 Akorinto 3:21

Vano ahikhallevo awiitukhulla ni ddaweera dda athu. Ddeko ddittheddene tti ddaanyu:

Luka 14:23

Nave apwinnyaalle yaamulleellattho mullupa muttekoolle wi, ‘Khawe omisewuni ni ettilla dda otte wa etawoneella nave waawatihere athu wi ewe ophiyera enyumbaakeella eddanlle.

2 Mamwene 2:17

Koma yaamuwatihera ophiyera Elisha moowulliwa muru aawaakhullella wi, “Arumeni.” Sika alliwa yahaaruma athu 50. Nave athwaayo yaamwaashaasha Eliya mallapo mararu koma oohimuphwanya.

1 Samuele 30:26

Davide aphiyalle o Zikilagi ahaarumihella akhwaaye ni oohoollella a Ayuda ddawaakha okhotoni, anamulleella arive muthu wi, “Akhellani emphaso ddanyu nnddo naakhilleehu wa adani a Apwiya.”

Oweeruza 1:15

Vano aallota wa olliye wi, “Kinapaalla wi mukivahe madaliso. Vawi mookivaha ellapo yoomwera, kivahenittho aneetuutu.” Sika Kalebe aamuvaha aneetuutu a omutundani ni a mutapo.

Yoswa 15:19

Vano aallota wi, “Kinapaalla wi mukivahe madaliso. Vawi mookivaha ellapo yoomwera, kivahenittho aneetuutu.” Sika aamuvaha aneetuutu a omutundani ni a mutapo.

Genesis 33:10

Yakobo aallota wi, “Iyaayi, mwaarimi mukeerenlle echifundo, akhellani emphaswaakeella. Miyaano kaawoonaka ekhovaanyu kinakhalla wonanko kinoona ekhove ya Mulluku vawi mookaakhella ddiidda ni matta meelli.

Genesis 33:12

Nave Esau aallota wi, “Hankoni nitimulle nave niroweke. Miyaano kineerothaanana vang'ono.”

Genesis 32:21

Sika emphasonnddo ddaahoolla nave mahiiyu yaayo Yakobo aakona omisasani wulle.