Genesis 32:3 - Mawu a Mulluku

³ Vano Yakobo ahaarumiha amithengaaye wa Esau mwanamunne o Seiri, o ellapo ya Edomu.

Genesis 32:3 ပူးပေါင်းရင်းမြစ်များ

Yoswa 24:4

Nave Isakooyo kaamuvaha Yakobo ni Esau. Kaamuvaha Esau ellapo yamiyaango ya Seiri wi ekhalle yoohallanaaye koma Yakobo ni anaaye yaakitthella o Iguputo.

Genesis 25:30

Sika aamulleella Yakobo wi, “Ettalla eneerokiipha. Kivahe vang'ono echipele yoofiira waapeyilleeweeyo.” (Sika ekaambeene yaamuvaha nnddina nawi Edomu).

Deuteronomo 2:5

Muhaallike vawi nguuvahani ellapwiiweeyo naari voonyingallihavo nnyallo nanyu. Miyaango dda Seiri kaaddivaha wa edduullu dda Esau.

Genesis 33:14

Kinimuuvekani apwiya wi muhoolle vang'ono, miyaano kineeteke vang'ono vang'ono mutulli mwa eziweto ni anaaka ophiyera kuuphwanyilleeni o Seiri.”

Genesis 14:6

Yaamugonjihattho Ahori omiyaangoni dda Seiri ophiyera o Eliparani va malire a echipululu.

Luka 9:52

Vano ahaaruma athu amodda wi ehoolle. Yaavollowa m'muzi mwa Asamariya* wi yamukhozere nipuro naye.

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Deuteronomo 2:22

Apwiya yaaweerella emoddamoddave yeeyo Aedomu, edduullu dda Esau, ayo yakhalla o Seiri voowoonongani Ahori nave ellapwiiwa yaakusiwa ni Aedomu ayo ekeraattheyille wenko ophiyera ollello.

Genesis 33:16

Sika nllapo nenno Esau aatimulla olendo ohokollweella o Seiri.

Genesis 32:7

Vano Yakobo ahoova wunchichi nave aatathilla murima sika ahaakawa milloko miilli athu aariiyena ni enkhosa, epuri, eng'ombe navettho ekamira.*

Genesis 32:11

Kinimuuvekani, kivulluseni o masiva a mwanamunnaka Esau. Kinoova wi apaalle anaweella okihella ekhoto nave attheenehi aneeroniipha ni atthiyana ni anamwanaalla.

Numeri 24:18

Ellapo ya Edomu eneerewaakhiwa, mudani Seiri aneerogonjihiwa Koma Israele aneeropambana.

Deuteronomo 1:2

(Ovenyera o Horebu oya o Kadeshi Baranea, oweella ettilla ya mwaango wa Seiri tti olendo wa mallapo khumi ni nimodda.)

Yesaya 21:11

Nngu sika ollotella wa dda Edomu. Mmoddeene anakillotiha mookhuwa ovenyera o Edomu wi, “We mulonda, ethiyo mahiiyu onaamalle niini? We mulonda, ethiyo onaamalle niini mahiiywaalla?”

Yeremiya 49:7

Apwiya Amasiva Mattheene enallota dda Edomu wi, “Ethiyo ezeru ddohaamallella athu a o Tema? Ethiyo athu eezeru olangiza wiwa woomalla? Ethiyo ezeru ddiwanndde ddooriirya?

Yoswa 13:30

Ellapweeyo yaambeelle o Mahanaimu, o Bashani otthewene, omwene muttheene wa Ogi mwene a o Bashani ni matawoni 60 a o Yairi, o Bashaninko

2 Samuele 2:8

Enthawi yeella Abinere mwaana a Nere, oyo aari akhoto muullupalli a Saulo aari amukusalle Ishibosheti mwaana a Saulo, oyaana okhopella, o Mahanaimu.

2 Mamwene 6:17

Vano Elisha aavekella wi, “Nyu Apwiya, kinuuvekani wi mukhunuulle miitthwaaye, oone.” Sika Apwiya yaakhunuulla miittho a oorumeyellooyo ahoona mwaango oddanlle ni akavalo ni magareta amunllo emwaaphenlle Elisha.

1 Epilli 12:23

Nave ella sika echiwerengero ya milloko dda akhoto ayo yawiille wa Davide o Hebroni wi emuvollochihe omwene munipuroni mwa Saulo moollikana ni mawu a Apwiya.

Nchipo na Solomoni 7:1

We namwalli a mwene, manyallwaawo tti ooreera musapatoni owanreewennddo. Akasambaraawo ahoopeya phaama wonanko malluku oowallamella mutengo, oosemiwa ni muthu eeruso.