Genesis 32:28 - Mawu a Mulluku

²⁸ Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Genesis 32:28 ပူးပေါင်းရင်းမြစ်များ

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Genesis 35:10

Mulluku aallota wi, “Nnddina nawo tti Yakobo koma waambeella ollello nnddina nawo ninaakhalle Israele.” Sika ahaamba oromolliwa Israele.

Genesis 17:5

Nnddina nawo khanikhallattho Abramu koma Abrahamu. Nna sika nnddina nawo kaambiiwa kinnuutthattusa nikhollo na mitundu ddinchichi.

Genesis 17:15

Vatulli viwa Mulluku aamulleella Abrahamu wi, “Mwaariyoolla ohimuromullekettho wi Sarai. Vano nnddina naye tti Sara.

Yesaya 65:15

Athwaaka ootthoolliwa eneeroromolla nnddina nanyu vootembelelani nave mi Apwiya Mulluku kineerowiiphani. Koma oyo anakiiwellella miyaano kineeromuvaha nnddina nanaanweene.

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Genesis 33:4

Koma Esau aathamaka aya akumanana, amukhupaarella nave aamullochella mwa echikondi nave eellaayo vamodda yaamoriha miitthori.

Yohane 1:42

Eerille ddiiddo aamukusella Simoni wa Yesu. Yesu aamuweha allota wi, “We tti Simoni, mwaana a Yohane koma oneeroromolliwa Kefa.” (Petro ottaphullella nlluku.)

Genesis 25:31

Koma Yakobo ahaakhulla wi, “Waambeelle okikullihella ottekweenaawo, kihinuuvahe yoocheella.”

2 Mamwene 17:34

Enimeerave mitetho ddiwa ophiyera ollellova. Alliwa khenawoova Apwiya wiilliwiilli nave khenathwara malangizo naari malamulo ayo Apwiya yaddilamulaliiwa edduullu dda Yakobo oyo yamuvahilliiwa nnddina nawi Israele.

2 Samuele 12:25

Nave yaarumiha mawu oweella mwa namallotella Natani wi mwaanooyo nnddina naye nikhalle Yedidiya kaambiiwa Apwiya yaamukonda.

1 Samuele 26:25

Saulo aamulleella Davide wi, “Wakhalla wooworeya Mulluku uudalise mwanaka, Davide. Nave uukavihere wi owore weera ddeko dduullupalli nave opambaneke mu ddeko ddittheddenennddo.” Vano Davide aavenyavo nave Saulo aahokollweella owaniwa.

Genesis 32:24

Olliye ahallille mutulli, yeekha. Vano vaaphiya muthu oyo allipanilleeyena ophiyera otte waambeellaka osa.

Genesis 31:24

Muullohani mahiiyu yaayo, Mulluku aamulleella Labani Muaramoolle wi, “Onesesa wi ohimoopopihe Yakobo mu erive ettilla.”

Numeri 13:16

Yaalla sika athu ayo Mose aarumalleeye wi yazonde ellapo. Nave Mose aamuvaha Hoseya mwaana a Nuni nnddina nawi Yoswa.

1 Mamwene 18:31

Aakusa malluku khumi ni meelli moollikana ni waata wa malloko a anamwani a Yakobo oyo Apwiya yamuromonlliiwa wi Israele.

Genesis 33:20

Nave aamaka nikuwa vaavo, aniromolla wi Eli Elohe Israele, ottaphullella wi Mulluku tti Mulluku a Israele.

Genesis 32:27

Muthooyo aamukoha wi, “Nnddina nawo ttaani?” Yakobo ahaakhulla wi, “Nnddina naka tti Yakobo.”

1 Epilli 1:34

Abrahamu aamuyara Isaki. Isaki ahaayara anamwani eelli, Esau ni Yakobo.

Yesaya 43:1

Koma vano Apwiya ayo yuuphatusalle we Yakobo ayo yawoopille we Israele enallota wi, “Ohoove kaambiiwa kaawoopolla, kaawiithana ni nnddina nawo, we tti aaka.