Genesis 32:20 - Mawu a Mulluku

²⁰ Mulloteke wi, ‘Navettho oorumeyellaanyu Yakobo ari mutulli mwahummu.’ ” Yakobo aganiza wi, “Koomukhurumusa murima ni emphaso kimurumihelleeminndda nave kakumanana apaalle aneerokaakhella phaama.”

Genesis 32:20 ပူးပေါင်းရင်းမြစ်များ

Miyambo 21:14

Emphaso yoovelleella mwawiipittheya ennakhurumusa osha murima nave yamukaphwani, owalli woollipa.

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Miyambo 16:14

Onanariwa wa mwene tti othenga wa okhwa nave muthu eezeru sika anamupepesa.

Miyambo 15:18

Muthu oosha murima mwawaakuva annaambiha okangana koma oowuphara murima annawiiha murendelle.

Miyambo 6:35

Khaakhullella wi alliviwe nave khapepeseya naari waanjerere olliva.

1 Mamwene 20:31

Nave oorumeyellaaye yaamulleella wi, “Ngoonani vano, nohiiwa wi mamwene a o Aisraele tti eethakaraka. Hankoni niware eziguduli muyuununi ni waapheelliha mikwe munikohini wooniha ogonja, niye wa mwene a o Israele apaalle khawiiphani.”

1 Samuele 6:5

Vano mupange maphwanaphwaniho a etthuku ni a amuthoro ayo enoononga mwiillaponi mwanyu nave mumutitimihe Mulluku a Aisraele. Mwaamodda eerohiya wuullakani nyuwaano ni milluku dda mwiillaponi mwanyu.

Genesis 43:11

Vano Yakobo attiitthiiwa ahaalleella wi, “Ddikhallelliiwammu, erani ddennddo. Muthooyo mumukusellewo ezipaso ddooddiva dda mwiillaponimmu m'mathumbani mwanyummo wi mwamuvahe. Mumukusellettho makhura awiihella vang'ono, enwi vang'ono, makhura awunkhella oohiyanahiyana, mure,* muteza ni ezipaso ddimoddattho.

Genesis 32:19

Sika aamulleellattho kaporwaaye aneepiilli mawu amoddamoddave yaayo, vamoddattho kaporo aneeraru, ophiyera attheene yaaneeta moohoolliha eziweto. Ahaalleella wi, “Nndda sika munaamulleelleenyu Esau, mwakumanana.

Genesis 32:21

Sika emphasonnddo ddaahoolla nave mahiiyu yaayo Yakobo aakona omisasani wulle.

Miyambo 18:16

Emphaso ennamweeriha muthu wi akhalle ni mpata woophiya vamiitthoni va muthu muullupalli.