Genesis 31:50 - Mawu a Mulluku

⁵⁰ Vawi Labani aavirellella ollota wi, “Waawaahoosaka anaakaalla apaalle waatthella atthiyana amodda naari vihiri arive muthu mwa alla niriihunaalla, wuupuwelle wi Mulluku sika mboni variyari va miyaano ni weyaano.”

Genesis 31:50 ပူးပေါင်းရင်းမြစ်များ

Yeremiya 42:5

Alliwa yaamulleella Yeremiya wi, “Apwiya ekhalle mboni awoona ni oororomelleya oonivaanyiha hiyaano naaheera nnddo Apwiya Mullukwaahu yuurumalliiwani wi munilleelle.

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”

Mika 1:2

Nyu athu a mitundu ddittheddene, iwani! We ellapo yavatthi ni ddittheddene ddookhalla mwemmo, Apellani maaru! Apwiya Mulluku Amasiva Mattheene enawiipani mullatu, enallota ovenyera o enyumbiiwa yaweella.

Oweeruza 11:10

Attekweene a o Giliyadaalle yaamulleella Yefita wi, “Nohaakhullella nndda onalloteewe Apwiya ekhalle mbonaahu.”

1 Atesalonika 2:5

Munnadduwella phaama ddene wi khanaallotille mooreera muwano apaalle ovenyera m'maganizoni a nrima, mbonaahu tti Mulluku.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Malaki 2:14

Nave munnakoha wi, “Kaambiiwa tini ehinaddaakhullelliiwa?” Tti ekaamba yawi Apwiya yaakhallella omboni echipangano ya variyari va weyaano ni mwaariyo a esombwaawo wa oyo ohiroromelleyeewe naari ari mukhwaawo ni mwaariyo a echipangano.

1 Samuele 12:5

Vaavo Samuele ahaalleella wi, “Apwiya sika amboni variyari va nyuwaano ni miyaano, nayeenettho oozoziwa a Apwiya sika mboni ollellova wi nginna machimo wa nyuwaano.” Nave athwaayo yaallota wi, “Ddawoona, Apwiya sika amboni.”

Levitiko 18:18

Nave ohimutthelle mwanamunne a mwaariyo ni omurulla mwaariyooyo ari mukumi.

Genesis 31:51

Vano Labani aamulleella Yakobo wi, “Ngoona nipuro namalluku kuukellelleeminna nave vaava vookhalla nlluku na yawuupuwella.

Yobu 16:19

Ngoonani, mbonaaka ari oddullu, namunkhoswaaka ari wenko.