Genesis 31:41 - Mawu a Mulluku

⁴¹ Mmu sika ddeko ddakhallelliiwa va miyakha 20 nnddo kakhanlleemi ni nyuwaano. Kohuupharellani mutteko miyakha khumi ni misese ekaamba ya aniinyu eellaalla nave miyakha mitthanu ni mmodda ekaamba ya eziweto. Komave mookhalla murukunusaka okumi mallivellwaaka.

Genesis 31:41 ပူးပေါင်းရင်းမြစ်များ

Genesis 31:7

Koma alliwaayo aakilleka nave aakhalla yaakakhanihaka mallivellwaaka okhumi. Koma Mulluku khaapaallille wi akeerelle ddoonanara.

2 Akorinto 11:26

Va olendwaaka munchichi kaanakumana ni ddawoopiha dda maaddi oosefukella, allupaawiiya, Ayuda akhwaaka ni athu ayo ehiri Ayuda. Mwaakhallattho ddawoopiha mumizindani, muhakani, mu enyanja yoowallamella navettho ddoovenyera wa ookhulupilila awoottha.

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

Genesis 31:38

Kookhalla ni nyuwaano miyakha 20 ophiyera ollello nave enkhosa ddanyu ni epuri ddanyu ddene kheddaavuddalle naari omodda. Nave miyaano nginamullawiheke omuttakhuna nankhoro a enkhosa a munikhollani mwanyu.

Genesis 27:44

Wakhalle mootiyerella wa olliyooyo va mallapo ooyeva, ophiyera osha murima wa mwanamunno okhurumuwalle

Genesis 29:15

Vano Labani aamulleella Yakobo wi, “Khe phaama wi okirumeyelleke moohillivelliwa, ekaamba yawi hiyaano tti abale. Okilleelle nnddo onapaalleewe wi kuullivelle.”

Genesis 30:28

Llota vawi kiri ookhozeka wuullivella onapaallelleewe.’ ”

Genesis 31:40

Enthawi ddinchichi kaanahoowa ni oviha otthaana navettho ni oriirya mahiiyu. Ata, ngaakona.

Genesis 32:4

Ahaalangiza wi yamulleelle wi, “Miyaano Yakobo oorumeyellaanyu kakhalla wonanko mulleto wa apwiyaaka Labani nave kookhallawo enthawi yoorekama ophiyera ollello.

Genesis 31:6

Eellinyu munnadduwella mmo ni masivaaka mattheene kaapharelleemi mutteko attiitthiinyu.