Genesis 31:35 - Mawu a Mulluku

³⁵ Rakele ahaalleella attiitthinnya wi, “Attiitthi, muhinakishella murima ekaamba yawi ngiimenlle moovelleella olemu vamiitthoni vanyu. Miyaano ngiri phaama ekaamba kiri omweerini.” Sika Labani khaaphwanyille milluku ddayenndde.

Genesis 31:35 ပူးပေါင်းရင်းမြစ်များ

Levitiko 19:32

“Mukhalleke oolemu vamiitthoni va muthu awuulluvalla nave mumooveke Mullukwaanyu. Mi tti Apwiya.

Eksodo 20:12

“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.

1 Petro 3:6

Sara aari awi ddiiddo, aamwiiwellella Abrahamu nave aamweera apwinnya. Nyuwaano muri anaaye aatthiyana a Sara mwaaweeraka ddaphaama ni oohoova erive ello.

1 Petro 2:18

Allupa mutteko nyu, muwiiwellelleke apwiinyu nave mwaavaheke olemu wunchichi, ohiri wa yaayove ooreera murima ni oomaalleya komattho oowalli.

Aefeso 6:1

Anamwaninyu vawi muri mu eyaattano ni Apwiya, muwiiwellellekettho makhollwaanyu. Yeella tti ello yoophwanella weera.

1 Mamwene 2:19

Sika Batesheba aaya wa mwene Solomoni wi allotena munipuroni mwa Adoniya. Mwenooyo ahiimella wi akumanena nave aamukokhorella. Solomoni aakeraatthi va mpandwaaye woomwene nave mpando mmodda waavollochihiwa wi amennyaayo ekeraatthelle. Sika yaakeraatthi onnattanatta waye.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Levitiko 15:19

“Mutthiyana oona mweeri, aneerokhalla ooripihiwa wa mallapo matthanu ni meelli nave oyo anaamuttannye aneerokhalla ooripihiwa ophiyera misikuwa.

Genesis 31:19

Labani aari akelle woochema enkhosa. Nave ari wenko, Rakele ahiiya milluku dda mpa mwa Labani attiitthinnya.

Genesis 31:34

Rakelooyo aari asunge millukunnddo vatthi va saduro ya ekamira nave olliyooyo aakeraatthella vaavo. Labani ahaashaasha m'musasani koma khaaphwanyillemo.

Genesis 31:36

Vano Yakobo aasha murima wunchichi nave moosimwa aamukoha Labani wi, “Ethiyo mullatwaaka tti ttuuvi? Ethiyo kichimwalle tini wi nyuwaano mukithamakelleke ddiidda?