Genesis 31:12 - Mawu a Mulluku

¹² Olliye aallota wi, ‘Tukhulla miitthwaawo nave ona, anankhoro attheene enawellaalla tti amadonthomadontho, amizelemizele ddaweella ni amankhaangamankhaanga. Ddenndda kenre tti miyaano vawi kohoona nnddo Labani anaweerelleeye.

Genesis 31:12 ပူးပေါင်းရင်းမြစ်များ

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Deuteronomo 24:15

Mumullivelleke nirive nllapo, nndduwa nihinavollowe mallivello a nllapo nenno. Makobiraayo annaapaalla wunchichi nave anaroromella vaavo sika wi mwaahimullivella aneerowinllellani wa Apwiya nave muneerohumullulliwa wi muri oochimwa.

Genesis 31:42

Mulluku a attiitthaaka, Mulluku a Abrahamu, Mulluku oyo Isaki amooveye, ahikhanlleke ni miyaano, ddaano mukiikarihalle khalle mattave. Koma Mulluku ahoona ddookatamiha ddaka ni mitteko ddaka nave mahiiyu evirallaalla ohuuhumullullani.”

Aefeso 6:9

Nave Apwiya nyu, mukhallekena phaama akaporwaanyu nave muhiye owoopopiha. Munnadduwella wi nyuwaano vamodda ni akaporwaanyu mookhalla ni Apwiya amodda oddullu, ayo anamweeruza arive muthu moohiweha ekhove.

Mitteko 7:34

Kohoona ohoosiwa wa athwaaka o Iguputo. Kohiiwa okhuwa wiwa nave kookittha wi kaavulluse. Vano waawo, kuurume o Iguputo.’

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Masalimo 139:3

Munnakiwehesesa kaaweetaka, kaakonaka, munnadduwella ettilla ddaka ddittheddene.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Levitiko 19:13

“Muhimunyingallelle mukhwiinyu apaalle omwiiyera ddeko ddaye. Muhinasunga mallivello a mullupa muttekwaanyu mahiiyu mattheene ophiyera ohinase.

Eksodo 3:9

Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa.

Genesis 31:10

“Va enthawi eyo eziweto ddiniitumiiwa, miyaano kaalloha. Nave kahoona wi anankhoro yaddiwellaayo yaari a mizeremizere ddaweella, a madonthomadontho ni a mankhaangamankhaanga.

Masalimo 10:14

Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.