Genesis 31:1 - Mawu a Mulluku

¹ Yakobo ahiiwa wi anamwani a Labani yallota wi, “Yakobo ookusa ddittheddene dda attiitthiihu. Aphwannye eyuumaaye ovenyera mu eyuuma ya attiitthiihu.”

Genesis 31:1 ပူးပေါင်းရင်းမြစ်များ

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

1 Petro 1:24

Mawu a Mulluku eni, “Athu attheene tti wonanko manasi, oreera wiwa tti wonanko malluwa oohakani. Manasi ennanyaalla, malluwa ennavakareya,

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

1 Timoteo 6:4

yooyo ttawiitukhulla nave khanadduwella erive ello. Nave murimaaye tti woonanara woopaalla ddoovaanyana, wenko onavenyera ehache, owana, ollotellana epewe, oganizerana ddoonanara,

Mateyu 4:8

Vano Satana aamukusella Yesu vamwaangoni woorekamesesa navettho aamooniha moomwene mattheene a va ellapo yavatthi ni ntitimiho niwa,

Ezekiele 16:44

“We Yerusalemu, attekweene eneerowuullotella mwambi wawi, ‘Mwaana aamutthiyana aallante amennya.’

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Yesaya 5:14

Ekaamba ya yeella o ellapo ya ookhwa khonavona, onnaatthama wi omwaakhelle arive muthu. Athu oovuwa a mu Yerusalemu ni athu shisha anchichi eneeromorellamo ni olezela wiwanko.

Miyambo 27:4

Osha murima onnawiiha ekuku nave onanariwa onnasefukella koma ehache ennattepa onanara okhwaranya ddittheddenenndda.

Miyambo 14:30

Murima wawiithaalla onnavaha mwiilli okumi koma ehache ennuntiha makhuva.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 17:14

Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

Yobu 31:31

A munibanjani naka ennadduwella wi khaavo ahillawihalle yoochaaka.

Estere 5:11

Vano Hamani ahiitukhulla ekaamba ya waata eyuumaaye, waata wa anaaye aallopwana ni olemu oyo mwene amuvahilleeye navettho ni wi mwene aamunnuwiha waakhwaranya attekweene attheene ni allupa mutteko attheene amwene.

Genesis 45:13

Mwaalleelle attiitthaaka wi kinnavahiwa olemu munchichi Iguputo wuno. Mwaalleellettho ddittheddene nnddo muddoonilleenyu. Nave akuvani, muweena wuno attiitthaakaayo.”

Genesis 30:43

Mwa ettilla yeella Yakobo aakhalla ni eyuuma yinchichi. Aakhalla ni eziweto ddinchichi, akaporo aallopwana ni aatthiyana, ekamira* ni abulu.

Genesis 31:2

Yakobo ahoonattho wi Labani khaamupwatha wonanko eerelleeye khalle.

Genesis 31:43

Labani aamwaakhulla Yakobo wi, “Anamwani aatthiyanaalla tti aaka, aniiwaalla tti aakattho ni eziweto ddittheddenenndda. Koma ethiyo vano kineere tini wa anaaka aatthiyanaalla ni edduullu ddakanndda?