Genesis 30:20 - Mawu a Mulluku

²⁰ Sika aallota wi, “Mulluku ookivaha emphaso. Vano mamunaka aneerekokivaha olemu ekaamba yawi koomuyarella anamwani aallopwana atthanu ni mmodda.” Mwawi ddiiddo mwaanooyo aamuvaha nnddina nawi Zebuloni.

Genesis 30:20 ပူးပေါင်းရင်းမြစ်များ

Mateyu 4:13

Aavenyawo o etawoni ya Nazareti nave aaya akhalla o Kaperenao, etawoni ya mukhwipi mwa enyanja ya Galileya,* mu malire a Zebuloni ni Nafutali.

Genesis 49:13

“Zebuloni anaakhalleke mukhwipi mwa enyanja, madokwaaye eneerokhalla mapuro a echombo, ellapwaaye eneerophiya o Sidoni.”

Genesis 35:23

Anamwani aallopwana a Leya yaari Rubeni mwaana awaamba a Yakobo, Simeoni, Levi, Yuda, Isakara ni Zebuloni.

Masalimo 68:27

Muhoollo mwiwa muri Benjamini, mung'onong'ono a attheenaayo, mutulli mwiwa munawa anamwani enduna dda Yuda owaaka enduna dda mamwene a Zebuloni ni a Nafutali.

Oweeruza 5:14

Yaavollowa mutapo ovenyera o Efuremu, yuuthwaraka we Benjamini ni abalaawo. Waavenyera oohoollella akhoto o Zebuloni ni o Makiri, ni o Zebuloni ootukhulla ekopo ya oohoollella.

Oweeruza 4:10

Baraki aawiithana athu a malloko a Zebuloni ni Nafutali wi ewe o Kedeshi. Athu ayo yamuthwanre yaari 10,000 nave Debora aathaananana.

Genesis 46:14

Anamwani a Zebuloni yaari Seredi, Eloni ni Yaleele.

Genesis 30:15

Leya ahaakhulla wi, “Khadduukwakhwanille okaakhilleewe mamunaka. Vano onapaalla okaakhettho murete woohura akaashenre mwanaka.” Rakele aallota wi, “Wakivaha murete woohura wa mwanawoolla, mamunakoolla aneerokona ni weyaano mahiiyu vano.”

Genesis 29:34

Aakusattho erukullu emodda, amuyarattho mwaana mmodda aamullopwana nave aallota wi, “Vano mamunaka aneeropataana ni miyaano vawi koomuyarella anamwani araru.” Sika mwaanooyo aamuvaha nnddina nawi Levi.

Genesis 30:19

Leya aakusattho erukullu emodda, amuyarella Yakobo mwaana aamullopwana aneetthanu ni mmodda.

Genesis 30:21

Vatulli viwa aamuyara mwaana aamutthiyana amuvaha nnddina nawi Dina.

Genesis 34:12

Killeelleni emphaso eyo munapaalleenyu nave muromolle orive mutengo wa emphaso yootthellella. Miyaano kineerewuuvahani erive ello munaaromolleenyu, mwakaakhullella wi kimutthelle namwalloolla.”

Eksodo 22:17

Koma attiitthinnya a namwallooyo yakhoota wi muthooyo ahimutthelle mwaniwooyo, muthooyo aneerollivellave makobiri anaalamuliweeye.

1 Samuele 18:25

Vano Saulo aallota wi, “Khaweni mwamulleelle wi, ‘Miyaano mwene nginapaalla emphaso wi amutthelle mwanaka koma kinapaalleemi tti etthoka dda mattapara a mukabudulani mwa Afilisti 100 wi kaahokolloselle yoonanara adanaaka.’ ” Saulo aganiza wi Davide aneerewiiphiwa ni Afilisti.

Deuteronomo 27:13

Nave malloko mamodda ayo eniimelle va mwaango wa Ebala matembelelo yaallotiwaka va Aisraele tti Rubeni, Gadi, Asheri, Zebuloni, Dani ni Nafutali.