Genesis 30:2 - Mawu a Mulluku

² Yakobo aamushella murima Rakele voomulleellani wi, “Ngiwora ovollowa munipuroni mwa Mulluku. Olliyooyo sika anulepheliha waayara anamwani.”

Genesis 30:2 ပူးပေါင်းရင်းမြစ်များ

Genesis 16:2

Sika Sarai aamulleella Abramu wi, “Apwiya khekivahille anamwani. Apaalle mukone ni kaporoolla wi akiyarelle mwaana.” Abramu ahaakhullella ddennddo.

Masalimo 127:3

Ddawoona, anamwani tti emphaso yoovenyera wa Apwiya, edduullu tti yoothuviwa yoovenyera wa alliwa.

2 Mamwene 5:7

Nave mwene a o Israele amweelengilleeye kalatooyo, ahaahulla ddoowara ddaye ekaamba ya ethakaraka allota wi, “Ethiyo mi tti Mulluku awiipha ni ohokollosella okumi wi muthu yoolla akilembelle mawu awi kichirihe makate a muthu? Tti yoodduwanyeya wi olliye anamwaasha namullota wi aambane ni mi.”

1 Samuele 1:5

Aanamuvaha Hana enama yinchichi omukhwaranya arive muthu vawi aanamukonda. Naari Apwiya yamweerihalle wi ahiyareke.

Genesis 50:19

Koma Yosefe ahaalleella wi, “Muhoove iyaayi. Miyaano ngiwora wiihiya munipuroni na Mulluku.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Masalimo 113:9

Ennamweeriha mutthiyana oohiyara opata nibanja, emutthattusa muyepelle oohakallalla. Aleluya!

Eksodo 32:19

Mose aphiyalle vakhuviru ni misasa ni woona musaanaang'omboolle ni athu awiina, aasha murima wunchichi. Ahaavokhella vatthi malluku yaari m'mattani mwayaalle, aapwesa museresere mwa mwaangoolle.

Genesis 31:36

Vano Yakobo aasha murima wunchichi nave moosimwa aamukoha Labani wi, “Ethiyo mullatwaaka tti ttuuvi? Ethiyo kichimwalle tini wi nyuwaano mukithamakelleke ddiidda?

Genesis 29:31

Apwiya yoonille wi Yakobo khaamukonda wunchichi Leya, yahaakhullella wi Leyooyo aayare anamwani koma Rakele iyaayi.

Genesis 25:21

Vano vawi mwaara Isaki khaayara, Isakooyo aamuvekella mwaariye wa Apwiya. Apwiya yahiiwa ovekella waye nave Rebeka aakusa erukullu.

Luka 1:42

Nave aallota mookhuwa wi, “We sika oodalisiwa mwa atthiyana attheene nave oodalisiwa tti mwaana onaamuyarawooyo!