Genesis 3:19 - Mawu a Mulluku

¹⁹ “Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Genesis 3:19 ပူးပေါင်းရင်းမြစ်များ

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Yobu 34:15

ddaano ddookumi ddittheddene ddonongeyille, ddaano athu attheene ehokollweelle onthupini.

Masalimo 104:29

Mwaddiipitthihella ekhovaanyu, ddinnoova ni otathilla murima. Mwaddivenyihella mpweya, ddinnakhwa, ohokollweella onthupini.

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Masalimo 90:3

Munnaahokollosella athu onthupini nave munnallota wi, “Nyu anamwani a athu, hokollowani.”

Aefeso 4:28

Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Oollalleya 3:20

Ddittheddene ddinaya onipuroni nimoddamoddave. Ddittheddene ddinavenyera othayani nave ddinahokollowella othayani wenko.

Genesis 18:27

Abrahamu aallotattho wi, “Pepaani, koollipa murima voollotani mwawi ddiidda ni nyuwaano, Apwiya. Miyaanothi tti muthu shisha vamiitthoni vanyu.

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Oollalleya 1:3

Ethiyo muthu ttuuphura tini ni mitteko ddootopiha anaphareeye vatthimva?

Masalimo 22:15

Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Genesis 23:4

“Mi tti mulleto, ookhalla enthawi yooyeva, owaninyu wuno. Mukikullihelle emata wi ekhalle mahame wi kimvitthevo mwaaraka.”

2 Atesalonika 3:10

Naariihu ni nyuwaano naanuulleellani wi, “Muthu aahipaallaka ophara mutteko ahichettho.”

Masalimo 103:14

Vawi ennadduwella mmo naphatuselliweehu ennuupuwella wi hiyaano tti nthupi.

1 Atesalonika 2:9

Vawi munnuupuwella, asinnihu ni arokorihu mmo napharelleehu mutteko moollipihella! Naphara mutteko otthaana ni mahiiyu wi nihuukatamiheni nyuwaano nuullalleyelleehuuni othenga waphaama wa Mulluku.

Oollalleya 5:15

Monga mmo muthu ayarelliweeye ovenyera m'mirimani mwa amennya ahiwanre ello emoddamoddave yeeyo aneerorowa epwillimwinddive. Naari apharille mutteko wunchichi, kheyiivo eyo anaakuseeye.

Oollalleya 1:13

Kaahiyavo murimaaka waashaasha wiiwesesa phaama dda ezeru ddittheddene ddaweereya vatthimva. Yoolla tti mutteko wootopiha oyo Mulluku aavahilleeye athu.

Miyambo 21:16

Muthu oyo anahiya ettilla ya ezeru aneeromallella m'mutthukumano wa ookhwa.

Masalimo 22:29

Athu attheene eeyuuma eneeromukokhorella. Naari athu attheene ekhwaka ehiworaka osunga okumiiwa koma eneerewaakokhorella, ni ayo ehinawora wiisungella okumiiwa.

Yobu 21:26

Koma attheene ennakhwa ennavitthiwa mu mahame, ennakonaatthi vamodda ni mapwihi.

Yobu 19:26

Nttapara naka namalla woonongeya, komave mu okumi yoolla kineeromoona Mulluku.

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”

1 Akorinto 15:47

Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.

Aheberi 9:27

Arive muthu anakhwa omodda nave vatulli viwa aneeruziwa.

Genesis 3:18

“Muthayani muneerekomella makukhu amiiwa ni a epullathi nave weyaano onaacheke ddoomella ddamuhakani.

Yobu 4:19

Mwawiidde muthu awoopiwa ni olloko, oyo matthipellwaaye tti ethaya, oyo anaanyenyeye wonanko enjenjete.

Masalimo 104:23

Muthu annaya omuttekoni waye, annaphara mutteko ophiyera misikuwa.

Masalimo 127:2

Munimoona wiihoosa, opeha ohinase ni okona mooselliwa, ophara mutteko mookatamiheya wi muphwanye yoocha. Valle Apwiya ennaavaha ookondiwiiwa ddoorama ddiwa alliwa yiikimakona.

Genesis 5:5

Sika Adamu aakhwa ari ni miyakha 930.

Yobu 10:9

Upuwellani wi mwakoopille ni olloko. Ethiyo vano munakihokollosella onthupini wenko?