Genesis 3:18 - Mawu a Mulluku

¹⁸ “Muthayani muneerekomella makukhu amiiwa ni a epullathi nave weyaano onaacheke ddoomella ddamuhakani.

Genesis 3:18 ပူးပေါင်းရင်းမြစ်များ

Mateyu 13:7

Mmiddo mmodda wamorenlle variyari va miiwa, miiwannddo ddahunnuwa ddikhwaranya ddoomella dding'onong'ononnddo nave ddaaddikhuneella.

Yesaya 7:23

“Yaphiya enthaweeyo, emata ddampesa ddaphaama nnddo ddiri ni miteekho 1,000 nave mutengwiiwa tti makobiri a siliva 1,000 muneeromella miiwa ddoohiyanahiyana.

Yobu 5:5

Athu attalla ennamuchella ddoohata ddaye, ennamwaakha ni dda vamiiwani vene, athu anthona ennaseremella eyuumaaye.

Aheberi 6:8

Koma yamella kakande ni miiwa enakhalla yoohikhalla ni mutteko sika Mulluku ari vakhuviru oyitembelela ni oyihella munllo.

Yeremiya 4:3

Apwiya enaalleella athu a o Yuda ni o Yerusalemu wi, “Llimani emata ddanyu, muhaalle mmiddwaanyu m'miiwani.

Yesaya 32:13

Miiwa ddoohiyanahiyana ddinamella va ellapo ya athwaaka. Ddawoona, inllellani enyumba ddittheddene nnddo yakhalliiwamo moottaphuwa navettho muzinda oyo waari ni ehakallallo.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Miyambo 22:5

Miiwa ni misampha ddiri mu ettilla dda athu ookhoromana, waapaallaka okhalla ni okumi orekamellaneke ni yaayo.

Yobu 31:40

mumelle miiwa munipuroni mwa tirigu nave nansongole munipuroni mwa barele. Mawu a Yobu emallelle vaava.

Yoswa 23:13

mudduwelle wi Apwiya Mullukwaanyu kheyiikariha mitundu ddenndda vamiitthoni vanyu. Koma athwaayo enaakhalle wonanko musampha wa nyuwaano apaallettho wonanko nikwekwe. Enaakhallettho wonanko muwashullo woovoreya vamutthanani vanyu apaalle wonanko miiwa ddawuuhomani m'mwiitthoni mwanyu. Ddenndda ddineerekeweereya ophiyera nyuwaano mutthollowille mu ellapo yaphaameella eyo Apwiya Mullukwaanyu yuuvahilliiwani.

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Miyambo 24:31

Ngoonani, virive veko vaamella miiwa, mutthemwene mwaamella manasi nave mpandiiwa wa malluku waakumuwa.

Masalimo 104:2

munniihuruwella ni owala wonanko mukanjo. Moottaphurusa eddullu wonanko ekuwo yamusasa,

Masalimo 90:3

Munnaahokollosella athu onthupini nave munnallota wi, “Nyu anamwani a athu, hokollowani.”

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”

Aroma 14:2

Echikhulupililo ya athu amodda enaakhullella ocha erive ello koma muthu oofooka mu echikhulupililo khanacha enama.

Genesis 3:17

Vatulli viwattho Mulluku aallota ni mullopwanooyo wi, “Ekaamba yawi waamwiiwellella mwaariyo voochani muteekho kuulamulalleemi wi ohiche, ethaya eneerotembeleliwa ekaamba ya weyaano. Onaaphareke mutteko wanikhurumella enthawi ettheene ya okumaawo.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Yesaya 7:24

Athu eneeroyaawo wi yasaye enama eri ni miira ni mipaamba vawi mu ellapo ettheeneeyo munaakhalle miiwa ddoohiyanahiyana.